Page 84 - MIN ON 27 OCT 2015

–
T’asina cu a manda e pakete aki na tur scolnan basico. A entrega esaki na e cabesantenan y cu e
peticion pa e scolnan entrega 6 obra relaciona cu nos escudo. Di cual e scol mes lo haci un
competencia. E premionan ta pa categoria di klas 1-3 y klas 4-6. E obra por ta di e Escudo
completo of por ta tambe un di e simbolonan den e comparticion di Escudo.
Ganado ta wordo saca a base di voto pa e prome dos luganan y tin un premio di mas popular.

Lo pasa y busca tur premio riba dia 17 y 18 di november 2015 na tur scol. DCA lo organisa un
exposicion cu lo tuma luga entre 20 pa 30 di november 2015. Riba dia 30 di november lo bay tin
un clausura caminda lo haci entrega di e premionan. E luga pa exposicion lo ser anuncia despues.

DCA ta pidi pa tur scol organisa nan mes un celebracion cu nan alumnonan rond di dia 15 di
november 2015 cu ta e fecha di aniversario di nos escudo. Esaki ta en conexion cu e di 60
aniversario di nos Escudo. Pa nan crea nan mesun exposicion pa escogencia di e miho 6 obranan
pa representa nan scol.
Pa cualkier informacion por tuma contacto cu Sra. Astrid Thiel of Sra. Marlene Lampe na DCA
via telefon 582-2185 durante oranan di oficina.

Pa escudo como nos simbolo di identidad mas bieu, ban conta nos yiunan di su historia y
significado. Departamento di Cultura Aruba ta cumpliendo asina cu su tarea di informa y educa
nos hubentud y e comunidad riba nos simbolo di identidad cultural. Cumpliendo cu su rapport di
maneho “Excelencia Cultural, Nos Cultura, Nos Prioridad”.

http://masnoticia.com/proyecto-competencia-escolar-60-aniversario-di-escudo-di-aruba/