Page 6 - HOH

A15
HENDE Diasabra 27 Juli 2024

Bon ambiente cultural y crioyo durante e temporada di Dia di Brazil

Fundacion Chico Harms ta lansa e temporada di Dia di Brazil 2024. E Dia di Brazil
ta tur aña riba e prome diadomingo di september, e aña akiriba 1 di september 2024.
Na Boneiro nan ta celebra nan Dia di Rincon, asina aki, na Aruba nos ta celebra nos
Dia di Brazil. Un temporada pa celebra nos musica crioyo, nos trahe tradicional, nos
cuminda local, nos cultura Arubano den bon ambiente den e bario di Brazil.

E temporada ta cuminsa cu Parada Acustico, sigui pa Festival Cantica di Caya y Coronacion di
Reynan Cultural, finalisando cu Parada di Lanterno y Parada Folklore Cultural riba e Dia di
Brazil. Esaki t’e calendario di e eventonan binidero:

● 27 di juli: Festival Cantica di Caya Adulto
● 28 di juli - Festival Cantica di Caya Infantil & Hubenil
● 17 di augustus - Batacaso Tipico
● 24 di augustus - Coronacion di Reinanan Cultural
● 30 di augustus - Parada di Lanterna
● 31 di augustus: Fiesta di Tambu
● 1 di september: Parada Folklore Cultural y Dia di Brazil

E siguiente evento ta e Festival Cantica di Caya, unda nos lo conoce e cantica cu ta bay domina
caya durante e temporada aki. Durante e Festival, e bandanan local ta lansa y competi cu can-
ticanan nobo. Nos kier e invita henter Aruba pa join nos Festival! E Festival ta na Centro di
Bario Brazil. Nos ta bende ticket na porta: 10 Florin pa adulto y 5 Florin pa mucha.
Brasa Bo Cultura, Aruba! Ban celebra, gosa y engrandece nos cultura. Bishita nan pagina di
Facebook “Fundacion Chico Harms” pa ricibi tur informacion di e eventonan cultural binide-
ro.