Page 14 - AM210407

14 AWEMainta Diaranson, 7 April 2021

Rotaract Club of Aruba y ‘The Graduation Project’ a

organisa un anochi interactivo na Colegio Arubano

Cu un workshop di ‘future-mapping’

E aña aki, Rotaract Club of Aruba hunto cu ‘The Graduation Project’
(TGP) tabata bek na Colegio Arubano pa motiva y inspira studiantenan
di Havo 5 y VWO 6 cu tipnan valioso cu nan por haci uzo di dje den
nan examenjaar como den transcurso di nan estudio.

Motivacion y inspiracion di studiantenan den nos comunidad durante
e ultimo lunanan escolar, mirando e desaroyo di e pandemia, ta hopi
abao. Pero, The Graduation Project tey pa recorda nos studiantenan
cu nan no ta nan so. P’esey, recientemente a tuma lugar e ‘Map Your
Future’ workshop pa studiantenan di Havo 5 y VWO 6 di Colegio
Arubano cu dos invitado special, Johnny Boekhoudt - Psicologo na
Centro Ortopedagogico y Tha ïs Franken - Docente na Universidad di
Aruba.
Durante e sesion interactivo aki, e invitadonan special a percura pa
informa e studiantenan di kico tur ta nan posibilidadnan unabes nan
gradua Colegio, pero tambe por a scucha di studiantenan cu nan a sinti
nan motiva y inspira pa sigui danki n’e storianan y experencianan
personal di cada un invitado special como tambe miembronan di
e comision di TGP. Asina a toca e topiconan di tur e estudionan
disponibel na nivel academico y practico di entre otro sector Creativo
(Creative Industries); A discuti riba e tema di e balor agrega di un
estudio academico local y internacional, y tambe filosofia riba e
importancia di haci bo pasion bo profesion.
Naturalmente, e futuro graduadonan aki a tuma e momento pa lansa
nan pregunta y preocupacionnan pa cu e siguiente etapa crucial den
nan bida.

Rotaract Club of Aruba hunto cu TGP kier a gradici e comision
organisatorio bou di liderazgo di sr. Bjorn Vrolijk y Daneshka
Rodriguez p’e tremendo trabou y dedicacion pa cu nos hobennan,
nos invitadonan special Johnny Boekhoudt y Thaïs Franken pa nan
tempo y aprecio p’e proyecto aki, y tambe Colegio Arubano y e futuro
graduadonan pa nan interes y atencion - pa haci e anochi aki un exito
rotundo.
No a resta nos nada otro cu desea cada un di e studiantenan aki hopi
exito e siguiente simannan aki. Nos sa cu boso por!