Page 20 - AM240729 2.0-1

20 DEPORTE AWEMainta Dialuna, 29 Juli 2024

#Team Aruba: Philip Elhage no a logra clasifica

pa e final den Weganan Olimpico Paris 2024

DIAHUEBS a cuminsa e Weganan Olimpico Paris 2024.

Diasabra Aruba a cuminsa cu su participacion, unda Philip

Elhage tabata e prome atleta cu a participa den e competencia
di tiro cu pistol di aire di 10 meter.

Presente pa duna sosten tabata su pareha y yiu, como tambe

e presidente di Comite Olimpico Arubano (COA), Wanda
Broeksema, e di dos secretario general di COA, Maarten
Willems, e chef de mission, Kamilah Dammers, y e director di
deporte, Monica Fajardo.

E competencia di tiro a tuma luga na Châteauroux, Francia, tres
ora di distancia for di Paris. E competencia a cuminsa pa 10:30

or local. Elhage tabatin un comienso dificil den e prome rond
di 10 tiro, cual a afecta su prestacion den e siguiente 50
tironan. Den e deporte di tiro, atletanan ta haya 60 tiro pa

completa den 1 ora y 15 minuut, cual por causa un presion
considerabel si bo cay atras.

Den e siguiente rondnan, Elhage a recupera y a logra siete

biaha un score perfecto di 10 punto.

El a termina e competencia cu un score total di 554 punto,
cual a pone na di 33 luga. Solamente e top 8 participantenan

a clasifica pa e final, cu lo tuma luga diadomingo mainta.

Comite Olimpico Arubano a expresa nan satisfaccion y grat-
itud pa e disciplina, dedicacion y representacion digno di

Elhage di Aruba durante e ciclo Olimpico aki, culminando
den su participacion na e Weganan Olimpico Paris 2024.