Page 48 - FLIP KPA

Un muher cu ta representa un compania di tour a keda deteni den porta di waf crusero dialuna mainta.
Pa motibo di su agresividad y no cumpli cu reglanan of palabracionnan cu tin a pone cu el a hinca tambe
su compania den un imagen menos bon. Na porta di waf tin bendemento di tour.
Diferente tour operator ta presente pa asina ofrece turistanan trip pa conoce e isla. Tin palabracion cu
cada operador mester tene su mes na dje. Entre otro mester mantene e tarifa na 20 dollar. Eyfo parce no
ta tur ta cumpli cu e tarifa aki. Scondi nan ta baha prijs pa competi inhustamente cu e otronan. Ora cu
cobra menos ta bisa e turista tambe pa corda bisa cu ta 20 dollar nan a paga. Den e caso aki e muher no
por a prueba un permiso vigente cu e ta trahando cu un compania di tour. Asina tin mas cu ta haci esaki.
Ora cu e miembro di DTP e Departamento di Transporte Publico, a bin intercambia di palabra unda
tabata zwaai man den cara di e empleado di DTP. Ora a pidi pa baha man a bin intercambio di palabra
caminda e muher ta coba mama di e empleado di DTP. Cobamento di mama a conduci na agresion. E
empleado di DTP a pasa e muher di tour dos klap educativo. Polis tambe a wordo avisa. Na yegada di
polis nan a detene e muher bai warda cune. E empleado di DTP a keda di bai entrega keho di menaza
tambe. Problemanan asina por sigui surgi debi cu tin cierto di e operadornan cu no ta cumpli. Diamars
en adelante esnan cu no tin permiso pa bende tour lo wordo cori of deteni. E incumplimento aki ta causa
cu gobierno no ta haya entrada di impuesto manera mester ta. Tambe a wordo papia un biaha cu lo duna
badge pa e grupo aki identifica su mes pero te awe nada a sosode. Kizas mester maneha e proceso di
benta di tour na un otro manera cu mihor control pa asina evita cu ta manipula cu e impuesto.