Page 7 - Diario

DIAMARS 29 DECEMBER 2015 DIARIO PAGINA 7

Expertonan na
mundo ta mira
Venezuela dilanti

un posicion
historico cu dos
caminda cruza!

ORANJESTAD (AAN)

– Si scucha expertonan

economista debati den

television tocante e situacion

actual di Venezuela, tin cu ta

haya cu nos pais bisiña ta den

un posicion historico cu dos

caminda cruza: oficialismo y

oposicion midiendo forza; un

ilegalmente y e di dos cu tur

su derecho.

Solamente nan tin un

conclusion comun: cu e

expectativa economico pa

Venezuela na 2016 no ta

genera mucho esperanza.

Esaki ta un aspecto den

cual tur analista ta coincidi

y premira cu Venezuela

lo pasa den un periodo di

dificultadnan economico y

incluso pa nan mes a resulta

dificil predeci e magnitud di e

distorsion macro-economico

cu e pais ta sufriendo.

Mientras tanto, e mayoria

califica di e Mesa Unidad

Democratico, ta habri

dos posible caminda cu e

economia di e pais lo por

cana, pero ningun di ambos

“bando” ta percura un

crecemento economico.

Segun e presidente di e firma

Capital Market Finance, Jesus

Casique, for di aña 2014 tabata

conoci caba e “monstruo” na

cual Venezuela tin cu enfrenta,

debi na e indisciplina fiscal y

monetario, unda cu no tabata

tin un contra peso den e

Asamblea y e gobierno a sigui

comete iregularidadnan.

Y awor, e diputadonan

recien electo ta mantene nan

advertencia di pidi rendicion

di cuenta na Banco Central di

Venezuela, no solamente riba

publicacion di informacion

encuanto indice di madro-

economia pero tambe pa

establece un disciplina

monetario y fiscal. Pues un

berdadero reto tin Venezuela

su dilanti awor.