Page 13 - MIN ON 12jan,2016

Pagina 18 12 Januari 2016

Brindando oportunidad na e mayornan tambe

Filomena College Mavo tin opendag diasabra 16 di
Januari

Diasabra awor, dia 16 di Januari, e team dinamico di
Filomena College Mavo lo tin su opendag anual, pa
brinda e alumnonan como tambe nan mayornan un
oportunidad di cera conoci cu e maneho y structura di
school.

Anualmente Filomena College mavo ta organiza su
exitoso opendag, unda cu e alumnonan di klas 6 di e
schoolnan basico den e districtonan di Savaneta, San
Nicolas y Pos Chikito ta haya invitacion pa bin experiencia
algun les di e docentenan y asina cera conoci cu e
school. Ta hinca un programa completamente diferente
pa e alumnonan, unda cu na un forma hopi educativo y
corto, nan ta haya varios informacion tocante e school
su structura y maneho. E aña aki, bou di auspicio di
un directiva nobo, a opta pa haci e opendag riba
diasabra, mirando cu asina ta duna e mayornan tambe
oportunidad di bin school y cera conoci cu e school
secundario cu nan yiu lo scoge. Filomena College
mavo ta invita tur mayor, educador y specialmente e
alumnonan di klas 6, pa bin disfruta y cera conoci cu e
team y school diasabra awor, unda cu tin un programa
completamente dedica na nan, cuminsando pa 10:00 y
ta termina pa 12:00pm. Pa mas informacion of pregunta
por tuma contacto libremente cu school na 5845156.
Nos ta warda boso sin falta diasabra awor!

Auto a dal den

wayanan di coriente

cu tabata colga riba

caminda

Algo masha peligroso mes a sosode diasabra marduga
riba caminda di Seroe Blanco caminda tabatin wayanan
di coriente ta colga riba caminda. Un Nissan Fuga
blanco biniendo di panort bayendo direccion zuid riba e
caminda di Paradera pa Sero Blanco. Diripiente dilanti
Bo-Wah Bar e auto ta dal den wayanan di coriente cu
tabata colga abao sin cu e chauffeur por a wak esakinan.
Ainda tabata tin coriente riba e kabelnan y nan a cuminsa
chispa, y causa daño na e auto di biaha e chauffeur a
para su vehiculo riba caminda. Di biaha polis a presenta
na e sitio pa cera caminda pa niun desgracia sosode
mirando cu ainda tabata tin coriente riba e kabelnan. No
tabata tin herido e Nissan si a ricibi daño tanto rasca y
kima unda e wayanan a chispa riba e auto.