Page 101 - MIN JUS

Minister Eman: Espacio nobo pa 'kioskeronan' ta otro
promesa cu gobierno a cumpli cune

Monday, 10 April 2017 21:53
Comparti

Den un luna di tempo e bista mahos di kiosconan di palo, banda di e parada principal di Arubus
na Playa lo disparce.
E motibo ta cu nan tur ta muda pa e edificio moderno na otro banda di caminda, cu su
construccion a wordo financia completamente door di FDA (Fondo Desaroyo Aruba), den cual
fondo tin placa di Aruba y Hulanda. “Esaki ta otro promesa di gobierno cu a wordo cumpli,”
Prome Minister Mike Eman a bisa na e ceremonia di entrega di e edificio na gobierno door di
Albo Aruba.

Ta trata di un proyecto cu a costa 2 miyon florin y dialuna mainta a keda entrega na gobierno
door di Anno Postma, project leider di Albo Aruba.
Espacio moderno pa e kiosconan ta forma parti di e vision di Gabinetenan Mike Eman pa trece
un cambio grandi pa Aruba. “E proyecto di kiosco ta parti di e vision grandi, pero tambe e ta
parti di un promesa haci cu un grupo di comerciante humilde cu Aruba tin,” Eman a bisa
durante su discurso na e ceremonia. E mandatario a recorda cu tabata na inicio di su carera
politico cu el a siña conoce e grupo aki. “Nan tabata wordo trata na un manera cu no ta digno pa
trata nos hendenan. Un rato nan tabata dilanti waf, despues a manda nan for di markthallen y a
manda nan patras di Aruba Trading. Despues a move nan pa banda di waf den kiosconan di palo
sin ningun ventilacion, sin awa ni coriente. Gobierno a pone e compromiso pa traha un luga
special pa nan y a ubica nan banda di Arubus den forma temporal. E destinacion final di antes
tabata areanan sin perspectiva y nos a bisa nan cu nan merece un area cu perspectiva y bou di
condicionnan hopi mas husto y adecuado pa nan por provee pa nan famia. Nos a hiba e lucha aki
pa e kioskeronan y awe mi ta sintimi sumamente orguyoso pa bisa cu un otro promesa cu a
wordo haci cu trabou duro a wordo cumpli. Ta otro promesa cu nos a cumpli cune.”

Tur esnan cu tin permiso pa un kiosco tin su espacio garantisa den e edificio moderno, dilanti
waf di Playa. “Di e forma aki nan tin continuacion di nan negoshi den un forma hopi mas
husto.” Prome Minister Eman a gradici Minister di Infrastructura Benny Sevinger, pero tambe
InfraTeam pa realisacion di embeyecemento di e area rond di waf y cumplimento cu un grupo