Page 4 - MIN JUS

AWEMainta Diamars, 11 April 2017
Miembro di management team di DIP, Isabel Dammers MINISTER di Husticia, mr. drs. Arthur Dow-
DIP lo emiti ultimatum pa
tur compania paga nan debe
3
ers a yama un reunion cu Polis y DIP pa atende
cu algun problema cu e hotelnan ta haya riba
beach. Miembro di Management Team di DIP,
Isabel Dammers, a indica cu e reunion tabata
uno fructifero pasobra tabatin diferente part-
ner na mesa. Esaki a haci cu nan por a atende
diferente topico cu a bin riba mesa y tur hende
por a haya un update di unda ta para cu e imple-
mentacion di e beach policy.
“Nos a papia eigenlijk mas tanto di e ehecucion
di e maneho riba e beach. Ami ta yam’e permi-
sologia keda cla cu tur hende tin nan permiso,
con nos ta bay desde eynan pa zorg cu tur hende
ta cumpli cu regla tambe y sanciona esey”, asina
Isabelle Dammers a remarca.
Nan ta bezig cu e implementacion desde 1 di
Augustus 2016. Pero tabatin algun problema
cu DIP mester a ahusta algun tarifa aki y aya,
print factura bek.
DIP tabatin e mala suerte cu nan a haya prob-
lema cu nan sistema di computer, pero awor tur
hende tin nan factura final. Despues nan tin
nan condicionnan final y e espacio final cu nan
mag di uza.
“Nos lo ta sacando den e dianan cu ta bin pa
esnan cu no a cumpli ainda cu nan pago pa haya
nan permiso, nos lo ta sacando un ultimatum pa
paga nan debe, p’asina nan haya nan permiso.
Of si nan no ta desea di haci esey pa desaloha e
beach”, Dammers a remarca.
Esaki ta inclui watersport y hotelnan cu ta haci
uzo di e beach.
DIP ta riba e linea completo durante henter e
implementacion. DIP a purba di ta cauteloso y
nan a purba di duna tur hende e mesun oportuni-
dad. Tambe nan a atende tur hende cu e mesun
manera y a adresa tur hende den corespondencia
di e mesun manera.
Kiermen tanto hotelnan como otro operadornan
di beach lo haya e mesun tipo di carta.
E beach policy ta regarda e beach cu ta cuminsa
na ex Bushiri hotel y ta caba na e Wind and Kite
Surf panort di Marriot.
“Obviamente nos a haya algun caso den Corte.
Tin obhecion di banda di hotelnan y watersport
encuanto e ubicacion of cuanto e haltura di
tarifa. Pero esey no ta nifica cu nan por sigui sin
permiso. Ta asina cu tur hende tin derecho di
bay Corte y nos tin derecho di haya uitspraak di
Hues riba dj’e, nos lo ehecuta esey tambe pero
mientras tanto bo mester percura cu bo tin un
permiso. Esun cu nos a cobra di mas, nos lo
restitui e ora ey.
Den todo caso bo mester tin un permiso pa haci
uzo di tereno di pais Aruba riba beach”, asina
Dammers a termina.