Page 19 - MIN VOS

DEN DIVISION DI FUTBOL FEMENINO

BRITANNIA TA TERMINA NA PROME LUGA

05/06/2017 Admin Uncategorized Leave a comment

ORANJESTAD, Aruba: Diasabra atardi y anochi e play-off 2016/2017 di
Division di futbol femenino di Arubaanse Voetbal Bond a continua cu e ultimo 2
weganan di e prome buelta. Den e prome wega RCA Damas a enfrenta
Estudiantes RCA. Ambos team a busca pa gana pero na final RCA a bay cu e
victoria di 5-3. Golnan pa RCA a wordo anota pa Daphne v/d Hoorn, Milvienne
Henriquez 2 gol, Latisha Martha y Rachelle Henriquez, mientras cu pa
Estudiantes RCA a anota Margenine Kock 2 gol y Lisandra Fradle.

Den e di dos wega di anochi Britannia a topa La Fama. Britannia a bay cu e
victoria di 4-0 cu golnan anota pa S. Marie 2 gol, Zahira v/d Linde y S. Lise. La
Fama no a logra anota gol aunke a haci nan esfuerso pa pasa e defensa di
Britannia.

E prome rond a termina cu Britannia na prome luga cu 9 punto, RCA na di dos
luga cu 6 punto, Estudiantes di tres luga cu 1 punto y La Fama na ultimo luga cu
1 punto.

E siguiente wega lo ta diamars 6 di Juni pa 8:00PM entre RCA y Britannia,
mientras diaranson 7 di Juni pa 8:00PM La Fama lo enfrenta Estudiantes. Ambos
wega lo tuma luga den stadion Guillermo Prospero Trinidad na Dakota.