Page 26 - MIN ON MAY - 5 , 2015

Minister di Enseñanza ta duna UA un pabien pa e aprobacion internacional
Publication: Tuesday, 5 May 2015. Categoria: General
cu ta duna nos studiantenan di Aruba mas opcion pa nan futuro

ORANJESTAD (AAN): Dos programanan educativo di Financieel Economische Faculteid
(FEF) di Universidad di Aruba recientemente a wordo aproba internacionalmente pa e calidad di
enseñanza cu nan ta duna y rector di Universidad Glen Thodé a indica cu ta trahando duro pa
mescos sosode cu tur e programanan cu ta wordo ofreci na UA.
Durante un conferencia di prensa e decano di FEF Joost Jacobs a entrega e rapportnan di
aprobacion di Nederlandse Vlaamse Accreditatie Organisatie (NVAO) na Minister di Enseñanza
Michelle Hooyboer Winklaar.
E mandatario a duna un palabra di pabien na tur esnan cu den un forma of otro a forma parti di e
noticia hopi positivo aki pa Universidad di Aruba.
“Mi ta kere cu esaki ta un muestra un biaha mas cu UA ta un institucion hopi importante y hopi
serio, cu tin un balor hopi grandi pa nos comunidad”.
“No solamente pa studiantenan actual cu ta forma parti di dje, sino tambe pa e studiantenan di
futuro generacionnan cu sigur lo por tin esaki como un otro opcion”.
Esaki segun e Minister, kende a sigui bisa cu den pasado a papia riba kico por ta na ventaha di un
studiante di Aruba, pa ora yega e momento crucial unda cu e tin cu dicidi kico e tin cu hasi y na
unda e ta bay studia.
“Mas opcion posibel pa nos studiantenan, mas mihor esaki lo beneficia nan, den e sentido cu mi
tin e opcion di keda aki na Aruba y sigui un estudio di calidad na mi propio Universidad, mi por
bay den exterior y te hasta tin e posibilidad di hasi tur dos”, segun Hooyboer.