Page 9 - 22n23

DIARANZON 22 NOVEMBER 2023 DIARIO PAGINA 9
Asina WEB Aruba NV a inaugura
e luznan riba Rotonde Kibaima

ORANJESTAD (AAN):
Den fin di siman dilanti un
publico grandi, WEB Aruba
NV a inaugura su decoracion
riba rotonde di Kibaima.
For di trempan hendenan
a bini cu famia. A cende e
luznan riba Green Corridor
na rotonde Kibaima prome.
WEB e aña aki a centralisa
nan decor rond di e tema
di ‘Gingerbread’. Esaki ta
otro iniciativa di e team di
decoracion di WEB, hunto
cu boluntarionan, entre otro
di WEB su contratistanan.
Mientras tanto dilanti planta
di WEB Aruba NV tambe a
crea un bunita Mini Pueblo
di Luz.

Cu klinker a
kibra showcase

di edificio

ORANJESTAD (AAN): Di-
aluna anochi banda di 7:25 pm
a presenta na Warda di Polis
na San Nicolas e ciudadano di
inicial S., y el a bay entrega
denuncia di destruccion na su
edificio cu ta situa den Zep-
penfeldstraat. El a declara
cu hende desconoci a kibra e
showcase di e espacio cu e tin
eynan poni pa huur. E ultimo
bihaa cu e tabata eynan tabata
Diasabra siman pasa banda di
2:00 pm.
Riba Dialuna atardi banda di
2:30 pm, el a ricibi un email di
su tata cu un potret di e show-
case kibra na e espacio den e
edificio. Te banda di 6:30 pm
el a logra yega na e edificio,
y aki a bin tuma nota di loke
a socede. El a bisa cu e man
di porta di e negoshi a wordo
forza tambe. El a bisa cu e no
ta sigur si acaso a horta cierto
articulo di eyden. El a bisa cu
el a pone e persona cu a huur
e espacio na altura, y cu nan
tin Security Video Camera na
e edificio.
Mientras tanto el a pone
un pida carton riba e buraco
den showcase pa asina cera
esaki. Polis tambe a bay pa
7:40 pm na e edificio pa asina
tira un bista. Nan a mira e
pida carton poni na e glas di
showcase, y a mira cu e man
di porta ta forza. Polis a mira
cu riba tera patras di trali tin
un klinker abao na suela.