Page 43 - MIN SJA 6 APRIL 2016

SIMAR lo haya un directiva y un presidente nobo?

Tuesday, 05 April 2016 19:10

Manera stipula den Statutonan di SIMAR, mas tarda fin di april e directiva mester tene un Reunion
General Anual pa duna relato di tur loke a sosode durante e aña anterior.
E aña aki e directiva actual ta cumpli dos aña liderando e sindicato. Esaki ta nifica cu mester tene eleccion
di un directiva nobo cu lo sigui carga SIMAR y e trabou sindical cu ta encera ente otro para pa derecho di
su miembronan y enseñansa en general.
Directiva Lazo-Tromp, consisitiendo di cinco hende muher, a sinta dia 29 di april 2014 y a traha
na diferente aspecto regardando e empleado den enseñansa y asuntonan interno. Durante 2014 te cu awe
e directiva a percura pa conclui cu e reglamento di cas, a atende cu diferente caso huridico y a percura pa
actividad di formacion y social pa su miembronan. Tambe e directiva a participa na comision di
enseñansa, comision “gedragscode” y comision “normbedrag” y ta formando parti di comision
restructuracion salarial cual lo ta un di e logronan importante cu lo bay den historia di SIMAR. Un logro
mas di e directiva saliente ta “Teacher’s care”. Finalmente, despues di a propone esaki na diferente
minister, nos a conoce un profecional disponibel pa cu cuido di e maestro riba un nivel personal cual a bin
na vigor e aña aki.
Tin hopi trabou pendiente, entre otro e seguridad di e docente na pia di trabou y un organo na cual e por
acudi y e maneho pa cu su persona na momento di conflicto cu su doño di trabou, incentivo pa recluta
miembro y sigui atende casonan huridico di miembronan, cualnan porcierto ta drenta constantemente.
Directiva ta haci un yamado na miembronan di SIMAR pa ta presente na dicho reunion y pa pone nan
mes disponibel pa sigui cu e trabou sindical na vanguardia di tur maestro y enseñansa en general.
Miembronan cu ta interesa den forma parti di e directiva cu ta desea mas informacion, por manda un
email na directiva@simar.aw .

E reunion General Anual lo tuma lugar dia 22 di april 2016 na cede di SIMAR y lo cuminsa pa 7:00 pm di
anochi. Tuma nota cu lo NO YAMA un di dos reunion riba un otro fecha

Tin dos problema hungando un rol pa reapertura di Aura
Casino

Tuesday, 05 April 2016 19:08
Comparti