Page 49 - MIN SJA 6 APRIL 2016

Print Email

Diamars ultimo a celebra hecho cu a scoge Alexis Kelly, un empleado cu tin varios aña trahando na
Hospital, como empleado di luna di Maart 2016. George Arends, kende ta Manager di e
departamento Tecnico di Hospital, a splica cu Alexis ta traha den e departamento den e parti di
electra y a sa semper di haci su trabaonan debidamente. E ta haci mas di locual ta rekeri. E ta un
persona cu habilidadnan excepcional cu semper ta pro-activo. E ta gusta y kier siña di su trabao. Ta
elementonan di un persona cu ta pone desaroya su mes den un carera. Den su caso, esey e a
sobresali y p’esey a wordo nombra como empleado di luna.
Alexis ta traha bon den team pero tambe por traha independiente. Semper por conta riba dje. Pa
loke ta e departamento, e parti tecnico ta sostene e cuido di Hospital. Hopi baha esaki no ta bisto,
pero tin hende cu ta traha pa mantene e cuido operacional na e manera y rekesitonan adecua.
Esaki ta encera e parti di electra, mantencion, koeltechniek y medisch techniek cu ta parti di e
ekiponan clinico. Esaki por ta simplemente e airco na camber di pashent of e aparatonan di
monitoring cu ta tipo di aparatonan esencial pa duna cuido pero tambe por ehempel e aparatonan di
ECG, Echo, MRI etc. E team aki ta zorg pa duna e parti di servicio ey pa mantene e ekipo na
normanan existente.
Pabien na Alexis pa su excelente servicio den Hospital y su profesionalismo cu semper el a
demostra!