Page 19 - MIN ARENDS
P. 19
Elvin Maduro di ABA: Ta hopi hende kier shop online
awendia di cas y no bay den caya grandi cumpra
Monday, 08 May 2017 21:25
Comparti
A combersa cu Elvin Maduro, kende ta tesorero di e Asociacion di Banconan y gerente di Banco di
Caribe. E tabata un di esnan cu a asisti e reunion cu tabata tin cu Banco Central, Camara di comercio y
Asociacion di Banconan.
El a splica cu e reunion aki tabata un brainstorm sesion hunto cu Camara di Comercio y nan a invita
Banco Central tambe. Mas tanto a wordo papia tocante con banconan por asisti e comerciantenan local
cu e-commerce.
El a comenta cu e reunion a bay bon. Hopi hende a vocifera loke nan kier mira pa e banconan haci. No ta
asina leu ainda cu por bay ofrece e-commerce y e ta bay tuma su tempo. Camara di Comercio kier mira cu
si banconan por bin cu un sistema caminda cu bo por paga na florin y no na dollar. Asociacion di
bankeronan tin cu sinta pa bay wak con nan por bin cu algo pa por yuda e comerciantenan. Ta hopi
hende kier paga of kier shop online awendia. Sinta na cas shop y no bay den caya grandi cumpra. E
comerciantenan kier mira esey, spera cu un sistema e-commerce por yuda nan.
Posibilidad
Mirando cu e gritonan di comerciantenan di caya grandi ta basta fuerte, Maduro a splica cu esaki ta algo
cu ta bay tuma su tempo, pasobra ta algo full nobo. Mester bin cu full un infrastructura nobo. Tur tin cu
haci’e hunto pasobra e ta un tecnologia. E ta un sistema full nobo cu nos na Aruba no conoce akinan. No
ta bay inventa e wiel di nobo, pero mester sinta wak y sigur tin su riesgonan envolvi. Manera tur sa, nan
por hack bo credit card y shop online. Of den un otro scenario ta, cu no a gusta e meercancia cu bo a
cumpra of ta kibra of nunca bo no a hay’e, abo, como cardholder ta bin banco pidi un charge bek. E ora
esey ta un riesgo pa e comerciante cu mester wordo tuma na cuenta.
E siguiente paso
Despues di e reunion aki, Maduro a splica cu Camara di Comercio a puntra e Asociacion di bankeronan,
kico por wordo haci. E ora a splica nan pa skirbi un carta na e Asociacion pa asina por wak con ta bay
sigui.
Un siguiente reunion
Camara di Comercio kier wak algo a corto plazo, pasobra tempo ta pasa y caya grandi ta muriendo.
E motibo
Nos tur sa cu online shopping ta masha popular awendia y hopi di nos ta cumpra riba internet y e ta bin
via Fedex of via otro companianan. Den un pa dos siman bo tin bo mercancia.
