Page 12 - DESPA.

12 AWEMainta Diaranson, 5 Juli 2017

Minister di Salud Publico, Cuido di Nos Grandinan y Deporte,
Dr. Carlos “Alex” Schwengle

Pa prome biaha a organisa
curso di Neurologia na Aruba

Pa añanan Aruba cu Hulanda tin trayecto di specialisacion

RECIENTEMENTE nos hospital a celebra

e logro di 4 nurse cu a logra nan diploma den e
trayecto di specialisacion den neurologia bou guia
di vrije Universiteit van Amsterdam Academie.
Hunto cu Vrije Universiteit van Amsterdam
Academie, pa añanan caba tin trayectonan di
specialisacion, super specialisacion di nursenan
aki na Aruba, e. o. pa Eerste Hulp, pero tambe pa
ICU y Dialyse. No ta desde awo nan a cuminsa
cu ne, pero e tin añanan andando.
E diferencia ta cu awo a amplia e abilidad of ca-
pacidad, e diversificacion di e opleiding cu nan
ta dunando na Aruba. Minister di Salud Publico,
Cuido di Nos Grandinan y Deporte, dr. Carlos
Alex Schwengle tabata presente pa felicita e nurse-
nan cu a logra nan specialisacion.

Antes no tabata duna neurologia y di cual esaki
ta prome biaha cu a duna e opleiding aki.
“Esaki ta e prome “inlichting” duna y nos lo bay
tin mester mas”, Minister Schwengle a vocifera.
E ta kere cu esaki ta un bon señal p’e nursenan
mes, unda por bisa nan cu 1. ta invertiendo den
nan pasobra mester di mas nurse y 2. e ta un bon
señal pa hubentud por mira cu tin hopi caminda
di cana. Hopi hende ta pensa cu den mundo
medico ta dokternan so, pero no t’asina.

Den cuido tin hopi posibilidad y via estudio di
bira nurse tin hopi posibilidad y diversificacion
na caminda cu nan por haci. E no ta solamente
un trabou, pero e ta hopi amplio y e ta un bon
señal pa hospital. E hospital nobo ta biniendo cla
y a cuminsa ocupa e edificio grandi, unda cu ta
poniendo e camanan den dj’e.
“Nos ta spera cu pa Augustus nos por muda. Nos
ta spera cu nos por laga e servicio bieu atras y bin
cu servicio nobo”, Minister Schwengle a indica.