Page 47 - KPA APRIL 23,2015

Polisnan atento ta yuda un carne mara den solo y na un cabuya cortico

Date: April 22, 2015
in: Local
(1) Comment
31 Views

Diaranson mainta algo prome cu 12 or di merdia, dos agente policial ta wordo manda na un adres na
Paradera unda hendenan a mira un bestia mara den solo y na un cabuya basta cortico. Mesora nan ta
bay na e adres aki y na yegada nan ta bin compronde cu ta trata di un carne cu e donjonan
probablemente lo a lubida mara na un cabuya cortico y para den higra di solo. E dos agentenan sin
pensa dos bes, mesora a los e pober bestia y a bay mare den sombra bou di un mata di coco, na
momento cu nan a los e carne, e bestia kier a ataca un di e agentenan policial, pero e agente mesora a
gare na su cacho y a domine, asina ela cana cu ne hibe na e mata di Coco. E otro agente a coi e baki di
awa y pone banda di e carne, nan a laga e carne den sombra unda e por come yerbe y tin su awa pa e
bebe, tabata tin mas bestia mara den e cura pero nan cabuya si tabata mas largo. E biaha aki polis no a
bay asistencia ta atende cu hende pero pa trata cu un carne indefenso,dos agente policial cu bon
curason y amor pa bestia.