Page 62 - MIN ON

Recientemente Heart-Centered Leadership Foundation (HCL Foundation) a organisa un

programa di 4 dia pa Filomena College Mavo: un dia di workshop ‘Professional

Development’ (Desaroyo Profesional) pa maestronan y 3 dia di ACE Program pa 74

alumno.

Despues di varios aña, ACE Program ta bek na Aruba. ACE Program ta un programa di

EduCare Foundation di Los Angeles, California. ACE ta para pa ‘Achievement and

Commitment to Excellence’, unda e meta ta pa motiva y ‘empower’ alumnonan pa

fortalese nan caracter, desaroya liderazgo personal, fomenta habilidad di comunica

efectivamente, y pa conecta cu nan mes y otronan. Durante e 4 dianan di actividad, e

enfoke tabata pa fomenta un ambiente educativo cu ta apoya y ‘empower’ alumnonan pa

por realiza excelencia academico, social, y personal. Docentenan di Filomena College
Mavo a experiencia un dia di ‘Professional Development’ workshop cu tabata tin como

meta pa duna les di un perspectiva holistico y uzando e principionan di ‘Heart-Centered

Education’, sigui pa e 3 dianan di ACE Program cu alumnonan di 3e klas a sigui. E

programa a culmina cu un ‘Family Evening’, unda mayornan di alumnonan a bin hunto

pa experiencia un tiki di locual nan yiu a participa aden durante 3 dia.

E 4 dianan di e programa a wordo facilita door di directora di HCL Foundation, Sra.
Siouxsie Kock, conhuntamente cu facilitador di Los Angeles, Sr. LaNell Williams. Hunto

nan a percura pa un ambiente interactivo, divertido y sigur pa tur alumno por participa y

siña di locual e programa ta brinda.

HCL Foundation ta gradici Minister di Educacion y Famia, Sra. Michelle
HooyboerWinklaar cu su apoyo pa por a logra trece ACE Program un biaha mas Aruba y

brinda hobennan di Aruba un programa cu ta motiva, inspira y apoya e hoben den su

desaroyo.