Page 63 - MIN ON

a13
riba caya Dialuna 21 augustus 2017
Party bus para pa motibo di musica duro

PALM BEACH - Diasabra pasa di 12or
marduga yamadanan tabata drenta cu tin
un partybus cu musica duro den area di
hotel otro banda di The Village Mall. Pa-
truyanan policial a presenta na e sitio di
biaha y hala atencion di e chauffeur.

Nan a pone baha e musica di biaha debi cu no
por a keda cu esaki halto anto staciona dilanti
hotel causando molester. E chauffeur di e bus
no por a demostra su rijbewijs tampoco y asina
e trip no por a sigui. Mester a yama e doño di e
bus pa presenta y bin core e bus.
Chauffeur para pa menasa di arma

SABANA BASORA - Diasabra atardi un
persona a raporta na polis cu den area di
e casnan di pueblo na Sabana Basora tin
un auto marca Kia ta coriendo sospecho-
so y lo a menasa hende cu arma.

Di biaha patruyanan ta yega den e bisindario y
topa cu e auto menciona. A sigui su tras mien-
tras tabata warda mas patruya yega y asina para
e vehiculo na un cas na Sabana Basora. Ta-
bata tin dos homber aden. Polis a separa am-
bos persona pa rista nan. A busca den e auto
tambe pa wak si por topa cu e supuesto arma
di candela. Pero no a haya nada.