Page 5 - DIGICEL
P. 5
Digicel como un sostenedo di Special Olympics Aruba pa hopi aña tabata t’ey presente
cu algun miembro di nan team p’asina experencia e ambiente agradabel aki. E
actividadnan cu e anochi aki a tawata inclui: wega di bolas y Badminton, cu un toke
special unda atletanan a competi contra nan entrenadonan tambe. E punto culminante di e
anochi aki tabata e competencia di baile, unda cu atletanan a demostra cu nan tin e mesun
habilidad riba pista di baile cu nan tin den e diferente disciplinanan deportivo.
Arthuro “Tuyo” Werleman, director di directiva di Special Olympics Aruba a remarca, “e
meta di e actividad tabata pa sigura cu atletanan ta interactua cu otro, como cu durante
competencia di “National Games” cu ta wordo teni na diferente parti rond mundo,
atletanan no tin e oportunidad pa conecta cu otro y crea amistad na e momento ey.”
Marketing & Branding Manager di Digicel, Jennifer Kock, a expresa, “E tipo di
actividadnan interactivo asina ta importante, si berdaderamente nos ta traha den direccion
di un comunidad uni. Tabata un placer pa Digicel participa no solamente como un
sostenedo di e actividad, pero tambe pa djis relaha y comparti momentonan special cu e
atletanan.”
