Page 10 - AUABANK JUNE 9

Ciudadano a nota ki efecto financiero “Government Tax” a
cuminza trece pe!

Publication: Tuesday, 9 June 2015. Categoria: General

ORANJESTAD (AAN) – Ya caba diferente persona a nota cu ora nan haci transaccionnan
bancario chikito, manera deposita placa den nan cuenta coriente, of riba nan carchi di credito, un
porcentahe ta wordo recarga di “Government Tax”.

Un ciudadano a comenta na nos redaccion, cu den poco dia el a paga na Government Tax un
suma di 30 florin, y esaki den transaccionnan personal chikito cu el a haci.

Kiermen, di su cuenta na banco e tin 30 florin menos di locual mester ta e caso.

E no tin mucho claridad si ora e ta paga su cobranzanan di telefon via banco, ademas di health
tax y BBO e mester paga tambe Government Tax. Si ta asina e ta kita su statement pa banco no
paga mas e cuentanan aki pe, como tampoco e supermercado cu semper e ta uza su ATM card pa
paga su compra.

E ciudadano aki, un trahador comun cu no ta gana varios mil florin, ta hopi desapunta y na su
opinion e impuesto aki ta di mas, y e ta puntra su mes te na unda gobierno kier yega primiendo e
pueblo.

Kizas berdad ta mihor pa saca e salario completo na caha (no via ATM) na banco, y manera
antes paga tur gasto di e hogar, personalmente pasobra e Government Tax ta un carga extra pe e
pueblo gewoon.

http://www.diario.aw/2015/06/ciudadano-a-nota-ki-efecto-financiero-government-tax-a-cuminza-
trece-pe/