Page 29 - Min.vos feb 17, 2015

Comparti

Cumpliendo cu un di su tareanan principal, esta continuo asistencia na su federacionnan afilia den nan
desaroyo general, recientemente a tuma luga na oficina di Comite Olimpico Arubano e firmamento oficial
di un documento importante pa cu otro proyecto di capacitacion - Sport Coaches Course 2014/2015 -
organisa pa Comite Olimpico Arubano.
Ta trata aki di un contract entre Comite Olimpico Arubano ( COA ) y Comite Olimpico Internacional
(IOC) pa medio di su Olympic Solidarity den cual ambos partido ta compromete nan mes den e
realisacion di dicho proyecto. Di parti di COA e compromiso ta encera e ehecucion optimal di e proyecto
di capacitacion, mientras cu Olympic Solidarity ta compromete su mes den e financiamento di dicho
proyecto.
Desde e prome instancia cu Comite Olimpico Arubano a presenta e project dossier di e Sport Coaches
Course aki na Olympic Solidartity, e ultimo aki den un forma relampago y espontaneo a reacciona y
mustra su aprecio pa e contenido di e dossier y tambe su disponibilidad pa financia e proyecto aki.
Comite Olimpico Arubano ta sumamente satisfecho y orguyoso cu otro logro grandi na bienestar di nos
deporte Arubano. E resultado final di e proyecto aki lo encera cu Aruba lo wordo enrikece cu otro grupo
di entrenadornan cu lo ricibi un formacion deportivo como coach riba nivel semi academico.
Mester remarca cu e proyecto aki, cu tin un duracion total di un aña, ya ta den ehecucion y cu e prome
fase di e trayecto ya a wordo finalisa exitosamente.
Pa Comite Olimpico Arubano e documento aki a wordo firma pa su Presidente sr. Edwin Roos y tambe pa
e director di COA su Direccion di Desaroyo, sr Robert Falconi.

http://www.24ora.com/deporte-mainmenu-7/91879-comite-olimpico-arubano-ta-firma-documento-
importante-cu-olympic-solidarity-

Renobacion di salanan di operacion lo inclui “Hybrid Cath
Lab”

Monday, 16 February 2015 22:56
Comparti