Page 13 - DIGICEL

Diamars, 12 di april 2016 Shahaira Labad hefe di Mercadeo na SETAR a haci entrega di premionan na e
scolnan basico ganador pa locual ta trata e prome Competencia Nacional di Pintamento en conexion cu e
celebracion di 30 aña Status Aparte y 40 aña Himno y Bandera.
Un total di 31 scol basico a participa na e competencia aki, unda cu CCDN tawatin e proyecto aki na su
encargo. A reparti papelnan oficial A-3 bashi cu logo di SETAR y escudo di Aruba. Aki e muchanan pora
haya e oportunidad pa expresa cu un pintura liber nan creatividad uzando e tema di 30 aña di Status
Aparte y 40 aña di Himno y Bandera.
Un panel di hurado cu ta consisti di respresentantenan di SETAR, miembronan di CCDN y miembronan
di DCA a saca entre e tantisimo pinturanan e 6 scolnan cu a clasifica. Mester bisa cu e desicion tawata
uno dificil mirando e esfuerso y creatividad di cada un mucha a hinca den nan pintura.
Pa e Competencia Nacional di Pintamento aki, SETAR, McDonalds y Aruba Airlines a regala premio na
tur e ganadornan individual pero tambe na e scol ganador.
Ganadornan den categoria “onderbouw”:

1e lugar: Diovean Geerman bishitando Emma School a ricibi giftbon di Top 1 Toys na balor di AWG 300,-
cortesia di SETAR y su scol a ricibi e suma di AWG 1500,- cash como premio. Tambe e hobencito a ricibi
un ticket ida y vuelta cu Aruba Airlines pa Corsow y su klas a haya treat di McDonalds como tambe di
SETAR.

2do lugar: Richinell Bareño bishitando Cacique Macuarima a ricibi giftbon di Top 1 Toys na balor di
AWG 200,- cortesia di SETAR y su scol a ricibi e suma di AWG 1000,- como premio cash.

3er lugar: Davina Robles bishitando Colegio Conrado Coronel a ricibi giftbon di Top 1 Toys na balor di
AWG 100,- di SETAR y su scol a ricibi e suma di AWG 750,- como premio.

Ganadornan den categoria “bovenbouw”:

1e lugar: Andrew Wouters bishitando Scol Basico Washington a ricibi giftbon di Bruna na balor di AWG
300,- cortesia di SETAR y su scol a ricibi e suma di AWG 1500,- cash como premio. Tambe e hobencito a
ricibi un ticket ida y vuelta cu Aruba Airlines pa Corsow y su klas a haya treat di McDonalds como tambe
di SETAR.

2do lugar: Rouel Baarh bishitando St. Anna School a ricibi giftbon di Bruna na balor di AWG 200,-
cortesia di SETAR y su scol a ricibi e suma di AWG 1000,- cash como premio.

3er lugar: Aram-David Aaron bishitando St. Rosa Colege a ricibi giftbon di Bruna na balor di AWG 100,-
di SETAR y su scol a ricibi e suma di AWG 750,- como premio.

SETAR ta sumamente contento y orguyoso di por a carga un proyecto asina positivo y Crea e Conexion
entre nos Cultura y Arte pa tur e scolnan basico y muchanan cu a participa. Nos kier a duna danki na
cada un cabesante di scol cu a acepta e proyecto y cu a encurasha tur mucha pa forma parti di e prome
Competencia Nacional di Pintamento aki na Aruba.