Page 15 - RDA

Empleadonan publico cu ta produci mester haya locual cu nan tin derecho riba dje, y

empleadonan publico cu no ta produci mester wordo atendi riba esey. Gobierno no por

sigui carga e gasto pisa si no tin productividad. Aparte di haci nos aparato gubernamental

mas eficiente y productivo, lo enfoca tambe riba integridad pa garantisa un aparato

gubernamental integro. Lo percura pa e leynan necesario wordo manda pa Parlamento, y

lo bin cu e Bureau Integriteit y Integriteitskamer pa garantisa integridad den tur nivel den

gobernacion. E di dos ta energia, y den esaki nos meta ta pa baha gastonan di awa y

coriente, pa tur hende, y haci energia accesible pa tur hende na Aruba. E prome paso, pa

reconecta meternan corta di awa y coriente, tin nos atencion awor.

Siguientemente lo traha pa baha e tarifa di awa y coriente. E tema di e refinera y RdA lo

haya atencion, y pronto lo bin claridad den Tambe tin e tema di Compania Arubano di

Petroleo y e exploracion di Repsol, cu ta den un fase bastante avansa. Medio e aña aki

nos lo haya sa si e exploracion di gas y/of petroleo por trece beneficionan economico na
Aruba, y e ora nos lo cuminsa un discusion kico lo haci cu e ganashinan di e exploracion.

Pues na kico lo dedica e entradanan adicional aki. E di tres ta innovacion, y den esaki ta

innova nos infrastructura, den gobierno y den sector priva, pa prepara Aruba pa

economianan nobo. Innovacion lo bo mira den enseñansa, den nos economia, den sector

primario, den cuido di salud, etc. Nos prioridad lo ta riba E-governance y facilita pagonan

digital. Imaginabo si ora bo entrega un peticion pa un vergunning of pa tereno, bo ta haya

un number, y bo mes por sigui e proceso via computer.

Ki dia el a bay pa tal departamento, den man di ken e ta, y ki dia e ta keda cla. Si

digitalisa e procesonan aki, e ta trece e transparencia necesario, y ta evita cu hendenan ta

comete fraude.