Page 44 - MIN JUS

Tin acusacion di falta di respet, pero segun Vice Presidente di SPA, Jean Mark
Lampe, esun cu a falta respet ta Alto Comisario. Ora cu SPA a trata di aserk’e
pa papia na un bon manera, Dolfi Richardson, e Alto Comisario tabata arogante.

Algo cu ta masha straño, pasobra conociendo Dolfi Richardson, semper e ta
habri pa dialoga.

Segun Jean Mark Lampe, a yega na nan orea cu awor cu un klas di Polis ta

kedando cla, cu e kier manda tur pa Departamento di Recherche, siendo cu
Straatdienst ta keda cu falta di mas personal. Tin falta di material, mas curso,

etc.

Minister di Husticia, mr. drs.Arthur Dowers a bisa cu berdad cu esey ta un

responsabilidad di Mando Policial y e mes no ta mete den asunto unda ta pone
personal. E no tabata un manifestacion pero e Polisnan a bin hunto pa hunto

marcha bay Bestuurskantoor pa entrega un carta cu tur e puntonan di
preocupacion cu SPA ta constatando, pasobra nan kier pa Minister di Husticia

wak, cu e no mester wordo ciega pa Mando Policial.

Di acuerdo cu e Vice Presidente di SPA, Jean Mark Lampe, debi n’e mal maneho
di Mando Policial nan a perde un colega recientemente y si nada no pasa, e lo
bolbe pasa. Pero awor awa a pasa hariña, despues tur otro directivanan di SPA

a bin ta hala atencion di Mando Policial, no a haya reaccion.

Awor SPA tin otro dirigencia cu ta mas determina pa caba cu tur faboritsmo den
Cuerpo Policial, manera a ser bisa.

MINISTER DI HUSTICIA

Despues di agrupa cu algun Polis, bao di guia di lidernan di SPA, nan a dicidi di
cana bay Bestuurcollege, unda nan a bay pa entrega un carta berdad cu e

puntonan di preocupacion. Minister mr. drs. Arthur Dowers a compronde cu e
discusion ta uno puramente interno y pesey nan a solicita un reunion cu e

mandatario, Mando Policial y cu SPA.