Page 12 - AVP

“Siman pasa nos a tuma nota cu durante di su prome conferencia di prensa como

minister, riba su prome dia di trabou, sra. Marisol Lopez Tromp a indica cu sigur e ley di

Serlimar ta un prioridad pa e como minister. Segun Noticia Cla e mandatario a confirma

cu lo sigui e pensamento di su predecesor y pues cu tin tur intencion di pasa e ley mas

lihe cu ta posibel,”

E siman aki tambe, e ta bisa, por mira cu Parlamentario sr. Edgard Vrolijk, a lansa varios

pregunta na e mandatario nobo y den un forma poco chistoso e parlamentario ta puntra

con a para cu ley, mientras cu tur sa cu e ley aki ta pega na Parlamento, mientras cu tin

yen di cambionan cu ta wordo proponi tanto pa gobierno (lesa ex-minister Otmar

Oduber) y pa e propio parlamentarionan di e fraccion geel.

UPP ta pensa cu kizas cu awor cu tin un minister nobo, cu toch lo no ta na su luga pa

manda e ley aki gobierno bek, y haci un revision completo di e ley, pa asina mira toch

con por haci ahustenan den vision y den e ley pa por yega na un solucion mas viabel,

menos costoso pa pueblo y duradero, na bienestar di e bario di Parkietenbos y vecindario

y di Aruba en general.

UPP ta considera cu si e posicion di e minister nobo pa sigui loke su predecesor a bin ta

“stippel uit” sigur lo ta un error grandi pa cu e solucion di e dump na Parkietenbos. “Nos

a mustra caba na januari ultimo cu e conferencia di prensa di SERLIMAR mas bien a

mustra y resalta con inapto y inepto e “handpicked” director ta, na momento di purba

hustifica e mal maneho y corupcion administrativo cu tabata y ta tumando luga na