Page 23 - AVP

ORANJESTAD (AAN): Durante entrega di ley
di iniciativa na Minister di Husticia, Andin Bikkier, Parlamentario Rocco Tjon a gradici
Minister di Husticia Andin Bikker pa ehecuta e mocion cu a wordo presenta door di
Parlamento, un paso significante pa eleva servicio di polis, y di banda di Parlamento,

nan ta hopi gradici pa ehecucion di e mocion aki.

Pa loke ta trata e concepto di ley, nan a entrega un copia di cortesia cu ta contene tur
documento, ontwerp, memorie van toelichting, e rapport di Raad van Advies, e

preguntanan cu a wordo haci door di tur miembro di Parlamento y e contestanan
tambe, na Minister di Husticia.

E parlamentario a indica cu nan ta haya importante pa duna Minister Bikker un copia di

e ‘ontwerp landsverordening identificatieplicht’ lo tin hopi implicacion practico tambe
opsporingsambtenaren y bijzondere opsporingsambtenaren y e implicacionnan practico
aki lo wordo reglamenta den un landsbesluit houdende algemene maatregelen cu ta
prerogativa di Minister.

Hopi di e preguntanan cu a wordo haci door di miembronan di Parlamento tabata dirigi
na Minister, pasobra hopi di nan ta relaciona cu con den practica cierto aspecto lo
wordo regla, dus teniendo na cuenta cu e ley aki nan lo purba di trat’e den luna aki

ainda, mirando cu tur documento practicamente ta cla, nan lo aprecia y ora lo yega na
e producto final, nan por haya cooperacion di Ministerio di Husticia, pero sigur pa loke
ta trata e fase final pa Minister tira un bista riba tur documento y nan haya un input di
parti di Minister pa loke ta trata e preguntanan dirigi specificamente na dje.

https://www.diario.aw/2020/02/ley-di-iniciativa-pa-equipa-autonan-di-polis-cu-computer-lo-eleva-
servicio-di-cuerpo-policial/