Page 21 - FLPD
P. 21
comunidad kiko tur por spera di e competencianan di landamento e dianan 26 di
juni pa 6 di juli na Aruba.
A hiba palabra Sra. Marion Kan, presidente di AZB, Sra. Esther Croes
representante di e competencia di landamento artistico, Sra. Monica Platieu,
representante di e competencia di landamento, Sr. Damian Maduro,
representante di e competencia Open Water y Sra. Maureen Croes, secretaria
general di CCCAN.
Mester bisa cu 26 di juni pa 6 di juli Aruba lo host e Central American and
Caribbean Amateur Swimming Confederation, CCCAN lo conta cu un
participacion di 479 atleta y 148 oficial deportivo procedente di 24 pais den e
area di Centro America y Caribe. Paisnan participante lo ta Antigua-Bahamas –
Barbados -Bermuda-Cayman Islands – Colombia-Costa Rica-Curacao-Dom
Republic-El Salvador-French Guyana-Grenada-Guatemala-Haïti-Honduras-
Jamaica-Nicaragua-Panama-Sint Maarten-Suriname-Saint Lucia-Trinidad-US
Virginia Islands y mas cu claro Aruba.
Na e CCCAN lo competi den tres disciplina di e deportenan acuatico esta
landamento artistico, landamento y Open Water. E competencia di CCCAN lo
inicia otro siman diamars 26 di juni cu landamento artistico y lo dura te cu
diahuebs 28 di juni. Despues lo sigui cu e competencia di landamento cu lo ta e
dianan 29 di juni pa 3 di juli. Lo culmina e competencia di CCCAN 2018 cu e
competencia den Open Water Swimming cu lo ta riba dos dia esta 4 y 6 di juli.
Diahuebs 28 di juni den oranan di atardi lo tin e Ceremonia di Apertura di e
Central American and Caribbean Amateur Swimming Confederation, CCCAN na
Piscina Olimpico Roly Bisslik na Savaneta. E competencia di Open Water lo tuma
luga na den e area di Mangel Halto y aki lo cera e caminda pa tur automobilista.
Pa loke ta e preparacion di nos atletanan den tur tres e disciplinanan esaki a
bay super bon. Nos atletanan cu ta practica e deporte aki ta conoci como
esunnan cu miho preparacion ta hiba pa cualkier competencia internacional sea
ta den exterior of na cas. Nan ta entrena casi tur dia y tin biaha dos bes pa dia
pa asina duna e miho prestacion posibel. Esaki mas cu claro ta conta pa e
landadonan cu ta combina nan estudio y e deporte di landamento den exterior
cu tambe lo bini Aruba y forma parti di nos seleccion di landamento
