Page 71 - MIN JUS

Den ningun momento tabata tin instruccion di ariba pa no
cera nightclub

Tuesday, 25 April 2017 20:45
Comparti

Alto Comisario, Dolfi Richardson ta na cabes di Cuerpo Policial y a splica di e rumornan cu polis a haya
instruccion di ariba pa no cera un Nightclub.
El a wordo notifica ora cu un reportero a puntr’e riba e sucedido. Door cu e no a wordo informa for di e
personal di e sucedido. Polis a wordo yama pa un bar den Driemasterstraat y ora cu nan a yega eynan,
aparentemente e doñonan tabata den posesion di un koffiehuisvergunning cu ta duna nan e espacio pa
nan ta habri. Te ainda no sa duidelijk kico a tuma luga, pero e alto comisario lo bay haya mas
informacion riba esaki.
Por a tuma nota si cu diferente koffiehuis cu ta cambia di doño, hasta anualmente. Cuerpo Policial tin un
departamento di permiso. Esey ta sectie bijzondere verordening. E ta un disciplina basta compleho,
segun e alto comisario.
Tin polisnan cu ta specialisa riba tipo di bijzondere vergunning cu por splica riba e materia aki, segun
alto comisario.
Mas blauw riba caya
Alto Comisario a splica cu “beter blauw” no ta nifica mas polis, sino lo keda inverti den e opleiding di e
polisnan. Hopi di nan presupuestonan adicional cu ta hayando, ta pone nan na disposicion na educacion.
Gran parti ta bay pa curso y mas curso pa e polisnan. E ta kere mas den Beter Blauw cu Meer Blauw.
Trabaonan di control
Por mira hopi polis ta haci trabaonan di control. Tur weekend y hasta den siman ta controla clubnan
nocturno cu ta cera na ora. Esaki ta normal, segun alto comisario. Ta parti di nan tarea y ta algo cu
eigenlijk tabata haciendo esaki, pero ta hayando dia pa dia mas atencion. Esaki ta parti di nan trabao
semanal y diariamente cu nan ta controla e establecimentonan aki.
Tin hende cu ta djis no ta worry. Nan ta purba nan suerte y tin biaha tin doño cu ta bisa cu nan ta prefera
paga e boet, pasobra locual cu nan ta genera na e momento ey, ta locual cu nan tin na boet y ta un
rekensom.

http://www.24ora.com/index.php?option=com_content&view=article&id=121186:den-ningun-
momento-tabata-tin-instruccion-di-ariba-pa-no-cera-nightclub&catid=6:policial&Itemid=8