Page 3 - AM191019
P. 3
Diasabra, 19 October 2019 AWEMainta 3
KPA investigando persecucion di
Polis riba motociclista accidenta
DEN fin di siman a tuma lugar un caso di persecucion cu na
final tabatin un accidente unda cu e motociclista a keda se-
riamente herida. E ta un caso cu ta wordo hopi comenta riba
rednan social.
Diabierna atardi KPA a saca un comunicado di prensa den
cual nan ta bisa cu nan a tuma nota riba rednan social dis-
gusto y reaccionnan negativo y rumornan coriendo rond to-
cante un incidente cu a tuma lugar recientemente na rotonde
di Seroe Patrishi.
N’e momentonan aki ainda investigacion ta tumando lugar di
parti di Cuerpo Policial. “Comunidad por keda trankil cu nos
tin nos agentenan policial profesional cu ta haciendo e inves-
tigacion aki,” segun e declaracion di KPA.
Ta trata di un caso unda cu un funcionario policial a duna
un motociclista ordo pa para, pero el a sigui core. A sigui un
persecucion for di banda di Dakota te n’e rotonde di Seroe Pa-
trishi ora cu, pa motibonan cu ta bou di investigacion y no ta
mucho cla ainda, e hoben a perde control y a dal abou.
Fotonan cu ta circula ta mustra con su cara a keda cu hopi le-
sion, pero tambe na otro parti di su curpa.
E hoben aki mester wordo manda Colombia, pero a resulta cu
su paspoort a caduca, y no ta trata di un pasaporte Hulandes.
E procedura pa haya un paspoort nobo ta andando.
