Page 7 - FLPD

Diasabra, 12 Mei 2018 AWEMainta 17

Deporte

Liga Special Heineken di Aruba Softball Bond a continua

Balashi Premuim ta derota Piratas Bronx Birds 6 pa 3

CAMPEONATO Liga Special a continua riba
veldnan na Pos Chiquito. Balashi Premuim ta
derota Piratas Bronx Birds den un bunita wega.
Balashi Premuim 6 careda, 5 hit, 1 error y ta laga
7 coredor na base. Piratas Bronx Birds 3 careda,
7 hit, 2 error lagando 5 coredor den circulacion.
Jesus Leal Becerro ta bay completo lansando un
partido di 10 strike out poniendo e victoria riba
su nomber.
Pa Piratas Guillermo Montiel a inicia solamente
1 tercera parti di prome inning permitiendo 2
cuadrangular y 4 careda ta wordo releva mesora
p’e internacional Andres Gonzalez, kende ta
lansa 49 bola y 64 strike p’e restante di wega
permintiendo solamente 1 hit y dos careda
tirando 10 strike out.
Mihor bateadornan pa Balashi Premuim ta
Jerwin Penja 2-1 cu un cuadrangular, Gianmarc
Alders 4-1 cual bataso tambe tabata un homerun,
Ayrton Falcon 2-1, Jeromin Kelly 3-1.
Pa Piratas a destaca den causa perdi Pablo Reid
y Leyvis Gonzalez di 3-1, Andres Gonzalez y
Richard Marrero di 3-2, Michael Corniels di 2-1.
Liga Special ta continua dialuna awor riba veld di
Flatstone momento cu Piratas enfrenta Spuiters
den un double header.