Page 34 - ATA
P. 34
Un poco prome cu 11 or di mainta dia 8 di mei, seis miembro di su famia a yega Aruba
den e crusero “Celebrity Equinox” cu e shinishinan pa cumpli cu Jannie su ultimo deseo:
Su yiu muhe Jan cu su casa Geoffrey Potter y nan yiu Christie; e otro yiu di Jannie, Edie
Haakma-Swney, y Lieke Raspe, subrina di Jannie y su casa Cees Meeusen. Di waf nan a
cana bay pa e banda pazuid di Lagoen caminda nan a habri e urna cu tabata contene un
saco cu e shinishinan. Un pa un, cada miembro di famia di Jannie, cu lagrima den nan
wowonan y un oracion silencioso, a plama un man yen di e shinishinan te ora cu e saco a
keda bashi.
Cu un ceremonia simpel, e famia a cumpli cu e ultimo deseo di Jannie pa expresa e amor
cu e tabatin pa Aruba den bida y den morto, un amor cu ni distancia ni tempo a kibra.
