Page 40 - ATA

Palm Beach: Soul Beach Music Festival cohuntamente cu Hilton Hotels & Resorts a organisa un Jet
Set with Purpose Brunch den e Grand Caribbean Ballroom di Hilton Ariba Caribbean Resort &
Casino.

Riba e programa, ademas di e brunch delicioso y un sin fin di mimosa, tabatin un panel bon informa
y cu informacion riba un tema specifico: “How to get your Philanthropy fix in any city”.

Hopi millennials cu ta en busca di un experiencia autentico mientras nan ta di biahe ta dicidi di haci

bon door di trabao boluntario den exterior. E dos conceptonan aki, biaha y trabao boluntario ta bai
man den man cu otro den e ultimo añanan, y hopi hende y gruponan ta dicidi di agrega un aspecto di
responsabilidad social riba nan lista di cosnan cu nan mester haci mientras nan ta di biahe.

E moderadora Andrea Richardson, directora di Multicultural and Diversity Engagement na Hilton

Hotels, a dirigi e discusion cu e panelistanan interesante, Icema Gibbs, directora di Corporate Social
Responsibility na Jet Blue, Sjeidy Feliciano, Communications Manager na Aruba Tourism Authority,

Karen Civil, CEO, creador y cultivador di Live Civil, karencivil.com y Kaylen Zahara, presentadora
y social influencer, kaylenzahara.com.

E panel a recomenda pa cuminsa cu obranan di caridad na cas prome cu bai den exterior y a boga pa
haci obra di caridad como un buskeda constante di proposito den bida.

Nan a comparti nan mesun storianan personal di trabao boluntario y nan a biaha rond di mundo y a
conseha e audiencia, e medionan di prensa riba e isla cu a bini pa Soul Beach Music Festival, social
influencers y studiantenan di Universidad di Aruba y di EPI Hospitality Management, pa wak

medianan social como nan mihor compañero riba e caminda pa exito.

Un di e momentonan culminante di e mainta door di Andrea Richardson tabata un resumen di e
actividadnan di Hilton Hotels & Resorts cu un bista di e mundo inspira, revitalisa y optimista, den
cuadro di e compania su empuhe pa haci e mundo un mihor lugar.

Desde e lansamento di e programa di responsabilidad corporativo ‘Travel with Purpose’ di Hilton na
2011, e tabatin un impacto positivo significativo den comunidadnan global y nan ambiente. E

compania a mentor, prepara of emplea 800,000 hoben como parti di nan compromiso di Open Doors.
Nan a reduci nan emision di carbon cu 30% y a desvia 1,5 miyon liber di habon pa no yega dump pa