Page 57 - MIN ON

Minister Sevinger: "Proyecto di Kiosconan a wordo
totalmente financia pa FDA"

Monday, 10 April 2017 22:05
Comparti

Dialuna den oranan di mainta Minister Sevinger a ricibi e yabi di e prome kiosconan nobo riba Welcome
Plasa, cu ta forma parti di Paardenbaai Plasa, for di man di Anno Postma

, Project Leider di Albo cu ta e compania cu a ehecuta e proyecto. Un proyecto di infrastructura cu a
wordo financia totalmente door di FDA. Despues cu Minister Sevinger a ricibi e yabi, el a duna honor na
Prome Minister Mike Eman, e motor tras di e mehoracion di Aruba, pa habri e prome kiosco
oficialmente.

E ceremonia di entrega di e yabi a tuma luga den presencia di Prome Minister Eman, Minister di
Husticia Arthur Dowers, Parlamentarionan Lorna Varlack y Clariska Velasquez y diferente invitadonan
manera funcionarionan di InfraTeam y DOW.

“Awe ta wordo entrega na Gobierno yabi di e proyecto aki, cu a wordo realisa door di Albo. E
construccion ta bay cambia henter e area aki su aspecto fisico.” E mandatario a papia di e base di e
actual kiosconan, na e otro banda di caminda, cu ta di palo. “E kiosconan ey, despues cu nos firma
contracto nobo cu e manehadonan, lo disparce. E turistanan lo haci compras den kiosconan moderno y
e doñonan tambe lo tin un area moderno pa brinda nan servicio na nos bishitantenan. “

Minister Sevinger a papia di e importancia di embeyecimento di e zona dilanti waf di Playa, como un
area hopi importante pa imagen di Aruba. E turista crucero y esnan den auto cu pasa eydilanti ta haya
un imagen hopi diferente y bunita cu esun di algun aña atras. “Esaki ta parti di e proyecto di
'binnenstad'. E area aki, por medio di e tram, ta conecta te na final di Caya Grandi. Poco poco e puzzel
ta cay den otro y poco-poco e comunidad ta mirando kico ta e masterplan di Oranjestad, cu ta cuminsa
na waf y sigui te na final di Caya Grandi y expande te na Rancho y cu ta inclui Socotoro, Linear Park. Tur
esaki ta cay den e zona cu ta wordo embeyeci pa cual e mandatario a gradici InfraTeam y DOW, pero
mas cu tur cos na FDA. “Mi tin cu bisa cu FDA a paga pa e proyecto aki. E proyecto ta 100% financia
door di FDA, cu ta placa di Aruba y Hulanda cu a wordo poni den e fondo ey. E ta riba e lista di e placa
cu nos a pone disponibel pa renobacion di Oranjestad y San Nicolas. Danki na FDA pa e cooperacion.”
Awor lo bay mira con pa construi un dak cu lo duna sombra na e parti mey-mey di e dos linea di
structuranan.
Pa finalisa el a finalisa Prome Minister Eman pasobra “ un otro parti di e vision total a keda realisa”.