Page 27 - 02Feb23

DIAHUEBS 2 FEBRUARI 2023
Destruccion
y ladronicia
na un cas den
Janszstraat
ORANJESTAD (AAN):
Tabata Diadomingo mar-
duga pa 12:15 am, cu un
unidad di Polis di Playa a
ser manda pa Janszstraat
como cu hendenan a ra-
porta cu ladron a trata di
comete kiebro eynan.
Janszstraat ta situa un
poco panort di Santana
Catolico na Playa. Ora cu
Polis a yega den e caya,
nan a wordo acerca pa e
dama di inicial M.
Segun e señora a bisa, cu
dos homber desconoci a
subi su tereno di cas, y nan
tabata completamente na
preto bisti. Polis a check e
tereno, pero no a topa cu e
hombernan.
Señora a bisa acerca
cu e hekwerk di e tereno
a wordo destrui, y cu un
camera a wordo horta.
Polis a tuma denuncia di e
destruccion y ladronicia, y
na final a pone Central di
Polis na altura.
DIARIO PAGINA 27
Carta Habri
Willemstad kier bolbe kita otro 10%
di pensionadonan no-residente cu
ta ricibi pensioen di SVB Curaçao
Skirbi pa: Eric Illes, MA
Atentamente, na nomber di pensionadonan cu a registra
Esaki ta un carta habri na Minister di SOAW, sra Ruthmilda Larmonie-Cecilia.
Apreciable sra Minister. Apenas e pensionado no residente kende ta ricibi pensioen
di SVB Curaçao ta buscando un trato igual cu e pensionado di Antiyas di cinco pa
recobra e recorte di diez porciento, desde 2017 y e bonus di gratificacion di
December, ta tuma nota cu gobierno di Curaçao a prepara ahuste di e ley pa un biaha
mas kita otro diez porciento.
E recorte aki lo mester a drenta na vigor 1 di januari 2023. E decision pa tuma e
medida a keda tuma den conseho di ministernan dia 11 di mei 2022. Gobierno a pidi
conseho di Consejo Social Economico (SER) riba e intencion aki.
Den e proposicion, aparentemente, no a ni tene cuenta cu e veredicto di Corte
Superior di dia 21 di maart 2021. Di manera cu loke gobierno a pone cu lo bay econ-
omiza cu e adaptacion nobo, no ta cuadra cu realidad. Den e recorte cu a tuma lugar
anteriormente SER a duna un conseho negativo. Gobierno no a sigui dicho conseho.
SER na Aug 2022 a bolbe mustra gobierno cu e intencion aki no ta forma parti di
un plan integral pa garantiza seguridad social. E medida ta isola, ta un solo medida y
di termino corto. E no ta efectivo. Pa ta efectivo mester traha pa crea riba cambionan
y crea condicionnan fundamental, institucional, organizatorio y financiero necesario
pa un mehor seguridad social duradero.
SER a aconseha gobierno pa traha riba medidanan cu ta hisa e volumen di entrada
di e prima. Traha riba plannan strategico y innovativo pa crecemento economico,
amplia e base fiscal, controla y cobra primanan atrasa y crea un forma financiero cu
ta depende menos di condicionnan y desaroyonan demografico. Despues di e otro
10% aki ki garantia tin cu lo no kita mas %?
Gobierno no ta duna splicacion riba e principio di proporcionalidad. Tampoco gob-
ierno ta brinda un otro plan fuera di e recorte con ta bay sanea e situacion di SVB.
Pensionadonan no por a anticipa riba e sla aki. Tempo cu a bin cu e ley pa kita e
prome 10%, ta 25% gobierno kier a kita.
Den Staten a baha esaki na 10%. Ta nifica cu den e calculonan cu gobierno a haci,
no a tene cuenta cu lo no haya loke a pensa.
Despues cu e caso den Corte pa debolbe e 10% y e gratificacion a tuma lugar, ta
evidente cu gobierno no a economiza loke a spera. E pregunta ta si e recorte aki di
10 % lo pasa e prueba den Staten. No por lanta un comision di investigacion parla-
mentario na Curaçao? Un solucion por ta pa declara e puntonan discriminatorio den
e ley "no aplicabel". Esaki ta urgente pasobra aworaki e porta ta hancho habri pa mas
recorte. Uno, pasobra SVB no a logra e meta original. Y na di dos lugar gobierno/lesa
SVB no tin otro plan mas structura y duradero. Esnan cu ta biba afor aworaki ta un
proyectil facil.
Esnan di islanan BES y St. Maarten por recuri na e veredicto di Corte Superior. E
otro no residentenan manera di Aruba awor tin doble trabao. Uno pa lucha via corte
pa haya pa loke ta nan pensioen un trato igual y husto. Na di dos lugar lucha pa evita
e siguiente recorte cu ta na caminda.
Corte superior den e caso anterior a expresa cu e gobierno tin e libertad parcial pa
constata si un hende ta haci bon uso y disfruta si of no di su pensioen. Poniendo asina
e interes di e pais prome cu e interes individual di e pensionado. Awor ta e pension-
ado mester bay prueba cu si e tin necesidad y di ki manera e ta depende di e pensioen.
E tin cu prueba cu si e recorte ta un peso excesivo pe y cu e ta depende di e pensioen
cu el a traha pe. Den e prome recorte Corte Superior tabata di opinion cu e recorte no
tabata forma un peso excesivo. Con nan lo pensa di e di dos recorte aki? Ken por dici-
di cu e no ta un peso excesivo? Algo cu e pensionado totalmente no a spera? E di dos
recorte aki lo pasa e prueba? Unda ta e fin di recorte riba pensionadonan?
Señora Minister.
E pensionado, awor ta depende di e consenshi y yiucio di Sra minister y di parla-
mento. Ta urgi Staten di Curaçao pa anticipa ariba e punto aki. Forma un comision di
Staten. Haci propio investigacion y papia cu e pensionadonan. Produci un rapport di
investigacion y relata e dolor di e pensionado.
Enbez di cu e pensionado mester prueba cu e no por carga mas recorte. Invita nan y
scucha nan storia con nan ta depende di e pensioen aki pa nan sobrevivi. Un areglo
di pensioen ta destina pa ofrece e ciudadano di e pais un nivel di bida adecua, unda
cu e por ta biba. Pensioen ta un propiedad. Con por huzga e nivel di bida den esun
pais compara cu e otro pa por constata cu e recorte ta un peso excesivo? Gobierno di
Curaçao no suficiente a evalua esaki. Pa e motibonan aki y mucho mas e tres cien y
cincuenta (350) pensionadonan cu a registra pa entama un caso contra gobierno di
Curaçao contra e prome recorte di 10 % ta roga sra Minister pa por fabor no sigui cu
e plan pa otro recorte di 10%.