Page 28 - EXTRA

28 Djamars 13 Febrüari 2018

‘Kant’i Kaya’ un éksito

WILLEMSTAD.- E di dos proyekto di ‘Extra
Digital’ ku transmishon ‘bibu’ a resultá un éksito.
‘Kant’i Kaya’, e antesala di Gran Marcha di
Karnaval 2018 tabata un berdadero ambiente kant’i
kaya ku entrevista i bishita di nos embahadornan
di Karnaval 2018. E kolaborashon entre EXTRA i
TeleCuraçao a bai super bon. E presentadónan Luis
Curiel di EXTRA i e ‘Rei di Zongo’, Glenn Thomas
a pèrkurá pa e transmishon kana di un forma
sublime.
Tumbanan bon skohé a pone ku Glenn Thomas a
sòru pa e fanátikonan di ‘Zongo’ tabata den sintonia
for di tempran. Un danki na e invitadonan ku a
bini i kompletá e anochi. Un danki spesial na tur
spònser ku a duna nan aporte pa realisá e proyekto
aki. Danki na koleganan di EXTRA i e tim di Q
Productions ku un biaha mas a realisá un tremendo
trabou. Keda pendiente pa e siguiente produkshon
di ‘Extra Digital’. Riba foto algun imágen durante
dje presentashon i koleganan ku a bin sostené e
transmishon ku nan presensia. ‘By the way’, nos a
koroná nos Reina Kant’i Kaya 2018 tambe.