Page 9 - AAA

Corsou ta maneha un espacio mucho mas grandi compara cu
esun di Aruba

Tuesday, 11 July 2017 22:27
1

Comparti

Por a tende cu avionnan no por pasa den espacio aereo di Corsou, pasobra nan tin cu paga, etc. Segun
director di ANSA, Nilky Kock, e motibo di esey ta simpel.
No ta pasobra nos espacio aereo ta chikito, esey tin di haber cu nos espacio aereo ta forma parti di esun
di Corsou. Nos espacio aereo ta yega 6500 pia. Y riba dje ta esun di Corsou y rond di dje tambe. E FIR di
Corsou, ta cubri un area mucho mas grandi cu loke ta nos espacio aereo cu ta yama e Beatrix Control
Zone. E FIR, cu ta e area cu Corsou ta maneha, ta mucho mas grandi cu esun di Aruba. Nos ta un parti di
dje. Pa e avionnan drenta nos espacio aereo, nan mester pasa door di e FIR di Corsou. Esey ta e realidad.
Pa esey cana miho, mas eficiente, mas safe, mas smooth cu ta posibel, nos tin diferente palabracion
tambe cu Corsou cu ta poni preto riba blanco den un letter of agreement. Esey ta e base con nos ta
coordina e trabaonan cu otro. Tin cu imagina cu esaki ta rekeri hopi coordinacion. Coordinacionnan cu
mester ta bon palabra cu otro, hopi concreto pa no tin mal interpretacion di esakinan. Pesey tin un letter
of agreement cu Corsou pa asina e coordinacion por cana bon.
Poder di Corsou
Segun Kock, Aruba ta cobrando pa e uzo di espacio aereo. Ta cobra pa loke ta yama un landing y take off
cycle. No ta bay cobra por ehempel pa enroute flight. Esey ta un di e entradanan cu Corsou tin. Esey no ta
intencion di Aruba. Esey lo keda e parti di Corsou. Overflightsnan ta esnan cu ta pasa riba e espacio aereo
mucho mas halto cu esey. Pa eseynan, nan no lo pasa den espacio aereo di Aruba y no lo duna nan
servicio tampoco, dus no por cobra nan tampoco. Esey ta keda e parti di Corsou. Pa Aruba ta bay
simpelmente pa haya mas espacio pa por maneha e trafico miho.