Page 12 - AM191026
P. 12
12 AWEMainta Diasabra, 26 October 2019
Un boter di cerbes tira riba nan,
pareha den un auto a keda herida
DIABIERNA den oranan di madruga un patruya di Polis a
wordo manda cu urgencia riba e caminda principal di Noord, un
poco pazuid di Misa Santa Anna, pa motibo cu un pareha a wordo
herida na momento cu un persona for di un auto di direccion con-
trario a manda un boter riba e auto di e pareha. E boter a dal riba
e windshield, kibra esaki y e glas cu a bay paden a herida e pareha
den e auto.
Na yegada Polis enberdad a bin topa cu un Yaris blanco y dos per-
sona herida. N’e sitio e pareha a splica Polis cu nan tabata bayendo
direccion zuid y di ripiente un persona for di un auto cu tabata
biniendo di direccion contrario lo a manda nan auto cu un boter di
cerbes.
E boter a dal hopi duro contra e windshield, te cu el a kibra esaki
y e pidanan di glas a drenta den e auto, a herida e chauffeur y e
ocupante. Nan tabata tin varios corta y tabata sangrando hopi.
Polis n’e sitio mesora a pidi pa presencia di ambulance, despues cu
personal di ambulance a trata cu e dos victimanan n’e sitio, a trans-
porta ambos pa hospital pa un tratamento medico mas avansa.
