Page 28 - DESPA
P. 28
PIEU Y PLATLEIS
editor
POSTED ON AUGUST 02, 2017, 8:16 PM
2 MINS
POST VIEWS: 3
ORANJESTAD, Aruba
Pieu ta insecto chikito di 2 pa 4 mm largo. Bo ta haya pieu den cabei, pega na e cuero di
cabes. Aki particularmente e pieunan muhe ta traha nan neishi. Nan ta pone webo di 1 mm
grandi cu ta parce pipita chikito blanco. E webonan ta pega na e cabei. Te hasta e higiena
di mas prufundo no por preveni hayamento di pieu. Kier meen cu bo no mester haya
berguensa pa motibo di pieu. Regularmente tin epidemia na scol y na otro luga caminda
hopi mucha ta bin hunto. Generalmente pieu ta pasa di un hende pa otro dor di contacto di
cabes cu cabes. Un epidemia ta propaga su mes masha lihe.
Platleis ta un otro sorto di pieu. Esaki ta wordo transmiti dor di contacto sexual. Esaki no ta
traha su neishi solamente den cabei publico, sino tin biaha tambe den barba of bigoti y otro
cabei di curpa. Despues di contagio por dura 1-2 siman prome cu bo cuminsa haya
grawatashi.
