Page 17 - AVP

di Minister Xiomara Ruiz-Maduro, y e ta hopi contento con e presupuesto 2019 a wordo
ehecuta.

E parlamentario a señala cu manera ta conoci, mester a yega na un deficit di 25 miyon

florin, pero aworaki ta bay resulta cu e deficit ta bay ta 19 miyon florin. Esaki ta mustra
cu gobierno a ehecuta su maneho na un manera responsable.

Rocco Tjon a señala cu algo cu ta resalta ta cu segun Banco Central mes, na 2019 e

economia a crece cu 2.4% mientras cu den e presupuesto Gabinete Wever-Croes a tene
cuenta cu un crecemento di 1% y esey tambe ta mustra e seriedad cu cual e gabinete
ta goberna.

Parlamentario Tjon a subraya cu esaki ta e realidad di e presupuesto cu ta wordo
presenta. Antes e pais a conoce presupuestonan ficticio, kiermen ireal, pero awo cu
hopi seriedad y responsabilidad e presupuestonan ta wordo traha.

El a agrega cu e critica cu tin eyfo, for di e opositornan politico ta cu presupuesto 2020
a tarda, pero fraccion di MEP ta hopi contento cu e presupuesto tin un surplus di 29
miyon florin y un deficit di 19 miyon.

E ta mira esaki como pasonan hopi significante y positivo pa drecha e situacion
financiero di Aruba.

Tocante e costo di bida asina halto cu e comunidad no por carga mas, Tjon a expresa

cu goberna no ta algo hopi popular, pero gobierno ta bay anuncia dentro di poco un
bahada den prijs di awa y coriente, y banda di esey tin un plan di e minister di finanzas
pa baha e costo di productonan.

E parlamentario a subraya cu tin plannan realizable y significante na caminda, pero pa
por a yega asina leu mester a cubri e gap cu tabata tin y esaki tabata un reto hopi
grandi.

El a menciona cu tabata tin deficit di 3 pa 4 miyon florin, y den apenas dos aña
Gabinete Wever-Croes a logra di presenta un surplus di 29 miyon dentro di un
presupuesto real.