Page 27 - AVP

Ta parce cu Gobierno ta desespera pa placa. A traha un presupuesto ficticio di otro aña

den cual hasta ta premira un surplus di gastonan incidental, pero no realistico. Den esey

lo bay tras di Aruba Tourism Authority, Utilities Aruba NV, NV Elmar, WEB NV, Setar

NV y RdA no ta keda afo. Gobierno kier hasta pass tur nan terenonan existente

di erfpacht pa eigendom, pa por saca miyones di e companianan estatal.

Pero pa por cumpli cu promesanan haci na CAft, awor ta demandando dividendo di RdA.

E mesun compania unda a manda instruccion pa absorba aumento di prijs di gasolin, cu ta

bay a costo di ganashi. E mesun compania cu CITGO Aruba no ta pagando pa un aña

caba awo. E mesun compania den cual Gobierno a hinca como 10 trahado nobo cu salario

halto, totalmente innecesario. Ta logico cu no tin ganashi awo, pero esey Gobierno no

kier tende.

Lo hinca e compania awo den un problema financiero serio dor di exigi pa nan bay banco

fia placa. Banconan no tin mucho apetit pa fia un suma asina halto na un compania cu no

ta solido y cu un futuro dudoso debi na retonan cu e refineria. E unico entrada di e

compania awo ta bin di benta di gasolin, diesel y kerosin di FMSA, fueloil pa WEB y

jetfuel pa avionnan.

Conocedonan di historia politico a sigura cu e formula aki no ta nobo. Den pasado un

Gobierno cu e mesun asignatura a purba e mesun formula, a purba haya dividendonan

di Elmar, WEB y hasta for di Banco Central. Por corda con a start un guera publico cu e

director di NV Elmar e tempo ey, cu finalmente a conduci na su retiro. Di otro banda, ta

conoci cu CAft ta demandando un maneho structura y duradero di finansa publico y no

cu entradanan incidental. Esey lo bira un reto grandi pa convence Hulanda e siman aki,

ora nan ta cla pa presenta “aanwijzingnan” pa Gabinete Wever-Croes.