Page 20 - BNDIA ARUBA

A20

DEPORTEDiabierna 29 December 2017

Kendo Aruba ta wak bek riba 2017 como un aña exitoso

ORANJESTAD - Bun Bu Itchi/Kendo Aruba cu reflex-
ion pa aña 2017. Bun Bu Itchi/Kendo Aruba ta bisa cu
esaki tabata un bon aña pa Bun Bu Itchi/Kendo Aruba,
Despues di un par di aña dificil na unda resultadonan
concreto a drenta pa casi tur miembro. Esaki ta segun e
relato cu nos a ricibi.
Localmente a organisa examen di grado pa principiante. James
Lu y Vincent van Lindert ambos a logra pasa examen pa di
prome kyu, locual kiermen cu pronto nan lo ta cla pa haci exa-
men di faha preto, esta di prome dan di Kendo.
Bun Bu Itchi/Kendo Aruba tambe a organisa dos curso pa
principiante durante 2017. Esaki ta curso di 10 siman, pa cur-
sista por cera conoci cu Kendo y despues dicidi si nan kier
bira miembro regular. Di e dos cursonan a resta 5 persona cu
a dicidi di sigui cu Kendo despues di curso.
Na luna di november a tene Campeonato Arubano 2017, cu
pelea den diferente categoria. Pim Willems, recientemente
bini bek for di Hulanda, a logra su prome titulo nacional di
Aruba, tanten cu James Lu a sali Campeon Hubenil. Den cat-
egoria principiante, e señorita Metis Delany (9 aña) a gana oro
y a mustra di ta un gran talento, mescos cu su ruman muhe
Isis Delany (11 aña) cu a corona sub Campeon principiante.
De hecho, nos racha di exitonan a cuminsa caba na december
2016. Durante e VI Campeonato Latinoamericano de Kendo,
na Chile, Elton Vrolijk a slaag pa su di 2 dan di Kendo, tanten
cu Eun Jung Kim a logra pasa su examen dificil pa di 6 dan di
Kendo. Cu e rango aki, el a cuminsa forma parti un grupito
chikito di dama na America (Norte y Sur) cu e rango aki. Pa
Elton Vrolijk su di 2 dan tabata e premio pa su reentrada den
Kendo, despues di varios aña di ausencia.
Algun luna despues, na Hulanda, Pim Willems tambe a logra
e rango di 2 dan. Kendo su sistema di graduacion ta bay te na
di 8 dan, pero e rango aki ta hopi raro y ta weita e rango aki
casi unicamente entre profesional den Kendo, manera polis
specialisa pa train agente policial na Hapon y Korea. P’esey
pafo di Hapon e rango di 7 dan ta wordo considera como e
rango di mas halto. Durante su estadia na Europa, e sensei
di Bun Bu Itchi/Kendo Aruba, Sergio Velásquez, a biaha pa
Hungria y a logra obtene su di 7 dan. Esey tabata despues di 14
aña cu e rango di 6 dan y mas cu 35 aña di training non-stop.
E exito di e miembronan menciona probablemente a inspira
e resto di e miembronan ora di haci nan examen. Saskia Kole
y Angela Lie-A-Lien a biaha te na Argentina, pa participa den
VII Campeonato Latino Americano y pa haci examen di 4 dan.
Esaki ta e prome grado di black belt di nivel intermedio y cu ta
wordo considera di ta di Sensei. Tur dos dama tabata exitoso –
despues di varios intento infructifero den pasado – y a obtene
nan di 4 dan tan anhela.
Na e mesun ocasion na Corrientes, Argentina, Danbi Ve-
lásquez a obtene su prome dan (‘faha preto’). Ya cu el a caba
di cumpli 13 aña di edad, e ta probablemente e black belt di
mas hoben den Kendo mundialmente. Practicamente for di
tempo di peuter Danbi ta bin ta train Kendo cu su mayornan
Eun Jung y Sergio, y el a slaag merecidamente.
Na 2018 Bun Bu Itchi/Kendo Aruba lo purba crece mas y
popularisa arte di spada Hapones na Aruba.