Page 24 - AWEMAINTA
P. 24
24 AWEMainta Dialuna, 23 April 2018
Dos adicto lo a ataca dama den un laundry na Shiribana
DIASABRA merdia den careda di 2’or, un señora di un
laundry na Shiribana a pidi polis cu urgencia pasobra dos
adicto lo a atake den su luga.
Varios patruya a yega hopi lihe na e laundry y a papia cu e
señora, caminda el a duna su version di loke a pasa.
Segun e señora dos adicto cu ta biba den un cas conoci pa
polis poco mas pabou, lo a drenta y exigi su persona placa.
E ta sigui conta, cu el a manda nan bay traha y stop di uza
droga, tambe el a describi polisnan e persona.
Polis mes ora a sali bay e cas conoci pa nan. Un persona cu
e descripcion a bin a pafo y a splica su banda di medaya.
Polisnan a conclui cu ambos banda ta conta cosnan dife-
rente. No a keda polisnan nada otro cu, mustra nan e ca-
minda pa cana si nan ta desea di entrega keho contra otro.
Chauffeur deteni despues di
a dal contra un palo di coco
Diadomingo marduga 1:15 polis a haya informa-
cion di un accidente, dilanti La Cabana Hotel.
Un auto lo a baha caminda dal un mata.
Na prome instante a wordo bisa cu tin hende
herida, pero na yegada esey no tabata e caso.
Polisnan a topa cu un Chevrolet Aveo, pega con-
tra un palo di coco.
E chauffeur tabata burachi.
Hunto cun’e tabata tin un hende muhe, cu a
cana bay direccion zuid.
Polisnan a bay su tras y a logra hay’e y a trece
pone sinta den patruya.
Pa loke ta e chauffeur no tabata tin rijbewijs, el
a wordo deteni y hiba warda di Shaba.
Mas laat a sali na cla cu e dama ta indocumenta,
a avisa Guarda Nos Costa.
