Page 74 - AHATA

E fundacion aki, cu ya a presenta varios concierto fantastico durante e ultimo aña aki, a wordo funda
specificamente pa por sirbi como sosten importante pa nos artistanan local.
E vision ta pa engrandece nos herencia cultural y stimula iniciativanan creativo pa nos por crea mas

empresarionan artistico y cultural riba nivel halto den nos comunidad.
“Go Cultura” su mision ta pa conscientisa comercio/sector priva pa brinda apoyo real na nos
artistanan, specialmente nos hobennan y pa ta mas activo den nos cultura. Alabes stimula nos

comunidad pa ta mas activo y creativo y hiba nos arte na un nivel cu nos por cuminsa exporta loke ta
di nos.
Ta sumamente importante pa sigui conscientisa nos comunidad pa aprecia arte mas y con importante

arte ta den educacion di nos muchanan.
Artistanan cu lo briya riba escenario dia 14 di Juli, lo ta Shannon Bueno, Camilo Bastidas, Jeanedy

Semeleer, Ferghall Vlaun, Shania Henry, Rileyson St. Jago, Gigi Linarez, Stephanie Albertus y
Edjean Semeleer.
Pa tur cu ta desea nan carchi, no solamente pa disfruta di e concierto magnifico aki, pero tambe pa
brinda sosten y apoyo na fundacion “Go Cultura”, por comunica cu Fundacion “Go Cultura” situa

den J.G. Emanstraat 24, na telefon 5830808.
Por pasa tambe na Fantastic Gardens of Taste my Aruba Café den Zoutmanstraat pa adkeri carchi na

balor di solamente Afl. 50,- pa persona.
Fundacion “Go Cultura” ta invita bo pa celebra cu nos y tambe brinda bo apoyo durante un anochi
inolvidabel abordo di e barco Freewinds.