Page 7 - BNDIA ARUBA

a7
regional Diabierna 17 november 2017
Un bayena morto na playa di Rio de Janeiro a sorprende turistanan

BRASIL (BioBio).- E curpa gigante di un bay-
ena morto a sorprende tur persona cu tabata
disfruta di un dia liber na lama na Rio de Ja-
neiro y en bista di e situacion aki, autoridad a
dicidi pa cera un parti di e zona costero.

E curpa a aparece den awa dilanti di playa di Ipanema, un area
tradicional di e ciudad aki, y poco despues e coriente di lama
a laga e curpa riba tera.
Un parti di lama a keda cera pa asina evita cu hende curioso
lo por tin contacto cu e curpa. Hopi hende tabata wardando
pa saaca potret cu e curpa di bayena, cu tabatin un holo hopi
fuerte di descomposicion.
“No ta posibel pa haya sa kico a pasa, el a muri hopi tempo
pasa, e ta den descomposicion avansa y e situacion aki ta haci
mas dificil pa haya sa e causa di e fayecimento,” Rafael Carv-
alho, biologo specialisa den mamifero acuatico di universidad
di Rio de Janeiro a splica.
E ta parti di un ekipo cu ta dedica na atende bayena cu a keda
atrapa den algun parti di lama. E suceso aki ta tuma lugar fre-
cuentemente pasobra Rio de Janeiro ta un area di pasahe di
bayena den e migracion anual cu e gigantenan aki ta realisa.

E curpa lo ser traslada riba un truck y despues lo ser dera pa
asina cumpli cu regulacion sanitario, Carvalho a splica.

Olanan tabata move e curpa di bayena di especie Yurbata y
tabata mustra su bariga blanco di 14 metro, segun e medicion
cu e tecniconan a haci. Algun hueso di su cachete a cay y e
tabata benta riba santo.

“Esaki ta hopi inusual na Ipanema. Ami nunca a mira algo
asina, mi lo tabatin gana di tin e oportunidad di salba e bay-
ena aki,” Mauro Azevedo, un ‘carioca’ (habitante di Rio de
Janeiro) a bisa prensa.