Page 67 - MIN ECEM 16 JUNE 2017

Varios acuerdo a wordo cera pa loke ta e prome fase di
rehabilitacion di nos refineria

Thursday, 15 June 2017 20:19
Comparti

A yega den un fase importante pa loke ta e rehabilitacion di e refineria. Minister Mike de Meza tabata tey
presente hunto cu otro cuater colega, caminda el a pone su firma riba varios acuerdo cera.
El a splica cu awe tabata un dia sumamente importante pa e futuro di nos refineria na Aruba. Esaki ta un
proyecto cu e mes personalmente, pero hunto cu prome minister Mike
Eman, tabata tin semper como prioridad number un pa haya e refineria bek habri. Ora cu a drenta
Gobierno a hay’e no den operacion y na e momento ey por a corda cu a pasa door di diferente reto y a
logra den 2010 pa haya Valero toch interesa pa habri’e bek. Lastimamente door di cambio di margen di
refinacion mundial, e sector petrolero, por a mira cu Valero no por a oper’e mas, despues di e prome
kwartaal di 2012. Na e momento ey atrobe a haci un epoca cu di hopi trabao riba e tereno specifico aki,
los di tur otro trabao cu tabata tin. E minister mes na 2014 na momento cu a cuminsa cu
combersacionnan di Citgo riba e nivel di mas halto, cu ta e presidente di Citgo mes, a mira un luz na final
di e tunnel, pero cu a dura mas cu dos aña pa yega asina leu, pasobra e no tabata facil. Tur experto riba e
tereno aki, internacionalmente por splica con dificil esey ta. A sigui traha riba dje y na October aña pasa,
Citgo a bira e operador nobo di e refineria. Un pakete di inversion cu ta yega 1 biyon di dollar sigur, tin
tipo di gas ta bin for di Venezuela pa Aruba, cu ta entre 200 pa 400 miyon dollar. Por imagina, e ta
surpasa 2 biyon florin, cu ta wordo hinca pa e operacion aki na Aruba. A cuminsa cu e trabaonan for di
October pa awo. Preliminarmente a haci diferente calculacion, cierto inspeccion y trabaonan. Awe
porcierto a yega na un otro etapa sumamente importante caminda cu Citgo a firma cu e ETC company, cu
ta esun cu ta bay haci e ingenieria, etc., cu ta bay ta e hoofdaannemer. Den pasado a mir’e tempo di Lago,
tempo di Coastal, El Paso y Valero, cu tabata tin diferente tipo di e companianan aki. Ta compania cu
yama Technic di Francia, tin W&G, un combinacion di compania di Venezuela cu otro companianan
internacional, ta bay ta e hoofdaannemer y ta bay sinta cu tur e contratistanan local cu tin pa discuti
disciplina y experticionan cu tin, specialisacionnan cu tin y ta cuminsa prepara awor aki pa den un grupo
mas grandi pa cuminsa tuma nos expertonan local. Ya caba a firma contract tambe pa e Mancamp cu ta
den construccion awor aki. Cierto momento bo no tin basta hende local y bo no tin cierto
specialisacionnan local, cu bo mester bin cun’e di pafo y pa cada un di e personanan cu ta bin di afo, ta
crea trabaonan hopi grandi pa e localnan mes, pa nos por rehabilita e refineria. Esey ta bezig, segun e
minister.

Awor aki cu a firma esaki cu e EPC company, ta bay mira e parti eynan cu ta bay tuma luga. Tambe a
firma awe e leningsovereenkomst, esta e financiamento di e prome fase. Tambe Citgo a firma cu
banconan internacional cu ta cubri e prome fase di e proyecto. E di dos fase ya tin di compronde cu
financiamento ta cla, pero tin cu haci e prome fase, despues ta bay over pa e di dos fase di e parti eynan
tambe. Ta un noticia sumamente positivo. Di parti di Gobierno a firma e protocol riba diferente trabao cu
lo tin entre Douane di Aruba cu e proyecto akinan. Hopi material tin cu bin di exterior. Tin un protocol