Page 43 - flip

Djaweps 11 Febrüari 2016 41

OPORTUNIDAT
PA TRABOU

WILLEMSTAD.- Reinfoke
ku oportunidat pa trabou
pa mucha hòmber di 17
pa 24 aña ku ta den bon
kondishon físiko. Mester ta
disponibel 40 ora pa siman
durante 4 luna largu. Pasa
pèrsonalmente djaluna 15,
djamars 16 òf djarason 17
febrüari na Reinfoke situá
na Club Union Boneriano,
Maracaiboweg 19 na
Suffisant. Mester bin ku un
ID bálido.

Kontinuashon di pagina 10
YA TA GAÑA DI TABATA

Na polis el a deklará
meskos, pero e loke ku a
trese un buèlta interesante
den e kaso aki, ta testimonio
di e tata.

Polis a papia ku e tata i e
tata a bisa ku e dia ei e no a
bai piska ku su yu. E no sa
piska den siman ni den dia.
Ora e piska, e ta piska den
wikènt i anochi.

E tata a sigui bisa ku e
no sa di niun tio ku yama
Eddy i no a bai niun fiesta
di kasamentu.

E yu ta di opinion ku
e tata lo a bisa asina, pa
motibu ku e tata lo ta
rabiá kuné, pa motibu ku
el a bolbe kai den man di
hustisia.

El a yega di primintí e
tata ku e lo no kai den man
di hustisia mas.

Durante su rekisitorio,
fiskal a mustra e hóben riba
e seriedat di e loke ku nan
a hasi i ku esaki ta trese
insiguridat den komunidat
i spantu.

E echo ku e hóben aki
den pasado a keda kondená
kaba pa kasonan similar i
awor aki tin 3 luna afó, e ta
tira atrako atrobe. Fiskal ta
haña ku awor aki un kastigu
di 5 aña di prizon ta na su
lugá.

Hues ta haña e echo
probá i a haña marka di
su man riba porta di e kas
i esei por únikamente si e
akusado ta den e kas.

Hues a bisa ku e no tin
motibu di duda den e trabou
di polis i e deklarashonnan
no ta konfiabel. Hues a
mustra riba su deklarashon
di tabata piska ku e tata
loke ku e tata a nenga ku ta
asina. Pa motibu di su edat
di 19 aña, hues a kondená
e hóben aki na 4 aña di
prizon.