Page 13 - MIN ON

Minister di Enseñansa cla pa tratamento di ley di functiehuis
y structura salarial den Parlamento di Aruba

Monday, 05 June 2017 14:45
Comparti

Riba dia 24 di Mei ultimo, Minister di Enseñansa, Michelle Hooyboer-Winklaar a firma y entrega e Nota
naar Aanleiding van Verslag (NAV) relaciona cu e ley di Functiehuis, asina finalisando e proceso
preparatorio pa tratamento di e ley den Parlamento di Aruba.

Despues cu na aña 2012 e Minister di Enseñansa, Minister Arthur Dowers, a duna encargo pa desaroya
un “Functiehuis” y un structura di salario nobo pa e sector di enseñansa na Aruba, e Minister di
Enseñansa actual (Hooyboer-Winklaar) a reactiva e proyecto na 2015 dunando encargo pa finalisa e
trabounan necesario pa por implementa e “Functiehuis y Salarisstructuur” nobo. E proceso di
implementacion, cual ta uno extenso y complica, ta bow di guia di expertonan externo KPMG y Balance
Consultancy. Diferente stakeholders, maneraDirectivanan di scolnan subsidia, incluyendo Dienst
Publieke Scholen (DPS), Sindicatonan, Departamento Recurso Humano (DRH) y otro instancianan
gubernamental, ta envolvi di cerca den e proceso di preparacion y ta yuda pensa constructivamente pa
por logra e implementacion di un forma optimal.

Desde momento di inicio di e proceso door di Minister Hooyboer-Winklaar, un Comision di Revision
(Stuurgroep) ta supervisa e proceso y ta duna conseho na Minister. E Comision ta consisti
di representantenan di Departmanto Recurso Humano, sindicatonan SIMAR y SEPPA, consehero di e
Bureau di Minister di Enseñansa y directora di Directie Onderwijs cu a fungi como presidente di e
Comision. E tarea di e Comision ta pa conseha Minister ariba e proceso correcto pa implementacion di
functiehuis y structura salarial como tambe supervisa e proceso. Recientemente e Presidente di e
Comision a entrega na Minister e Migratieprotocol cu ta conseha Minister pa cu implementacion di e
functiehuis y e structura salarial pa sector di enseñansa di Aruba. E tabata un trayectoria hopi extensivo y
intensivo, y awor e ley ta cla pa trata den Parlamento. Mas informacion Pa brinda informacion di e
proyecto aki, Departamento di Enseñansa a crea un pagina specialriba
su website: www.ea.aw/functiehuis