Page 22 - AM201130

22 AWEMainta Dialuna, 30 November 2020

Realidat di lei ta ku:
Keda sin kumpli ku entrega di outo pa kual a kaba no ta estafa!
WILLEMSTAD - Resientemente tabatin un kaso di Corte kaminda 11 hende ku a sinti ku nan a bira viktima di un
supuesto estafador a presenta na tratamentu dje kaso den Corte huntu ku 5 persona ku a hasi denunsia di estafa.
Fiskal a start sali yama e akusado estafador i a pidi un kastigu di prizon di 4 aña pe sospechoso, pero na final e
supuesto estafador a kana sali homber liber for di sala di Corte.

Den e kaso aki Corte a haña ku e pruebanan no ta sufisiente pa determina ku e akusado a kometé e estafa di kual ta
akusé i wèl pe siguiente motibunan.
E hecho ku un hende no ta kumpli ku un akuerdo den kultura di nos isla rapidamente ta ser konsidera komo estafa.
Pero guia pa kalifiká un hende di estafador ta eksigi argumento mas pisá promé ku wes por kondená un hende komo
estafador.
Esaki a pa evitá ku un hende ku faya di kumpli ku un akuerdo sivil tin ku haña un kondena penal.
Ademas mester t’asina ku algu mester a motivá un hende pa kometé estafa o sea ku e supuesto estafador a engaña i
konvensí pa kumpra un outo.

Den e kaso aki e momento ku e viktima a kumpra e outo ta determinante.
I e segundo argumento ku ta plama e palabra estafa for di otro si ta otronan a insinuá hechonan inkorekto ku ta pone
e kujmpradó kere ku e bendedó a kometé estafa.
E mester a informá e kumpradó promé ku ela hasi e kompra.
Den e lista di akusashonnan nan ta menshoná sinku manera di a komete estafa pero no ta den tur denunsia nan ta
menshoná ken i kon a konvensé kumpadó pa kumpra e outo.
I si no por proba kon i ken a konvensé un kumpradó pa kumpra e outo, no por proba estafa.
Argumentonan manera ku e bendedó tabatin un aspekto honesto, a revelá ken e ta , na unda e ta haña outo i e preis
barata ta argumentonan sekundario. Nada si esakinan tda argumentonan pa komete estafa.
No tin prueba ke bendedó a duna pasapore falsu komo identidat n a falsifika e-mail i tampoko kuj ela manda oferta riba
papel.
E akusado a deklara ku e no a hasi esei i ningun dje kumpradonan a deklara esei.

E hecho ku e bendedó a traha vale falsu i a mustra ku akuerdo di venta/kompra a tuma uiga semper despues ku e
kumpradó a paga e suma di manera ku no tin kkuestion ku ela fòrsa nan brasa pa paga.
I finalmente wes a mira den e verbal ku esnan ku a denunsia estafa, kasi semper primeramente a chèk e pagina di
Facebook dje bendedó i semper a sigi kontakto amplio ku e akkusado personalmemnte, via telefon of Facebook.
Concluderend stelt het Gerecht vast dat de in de tenlastelegging genoemde oplichtingsmiddelen de aangevers niet
(kunnen) hebben bewogen tot de afgifte van de aankoopbedragen over te gaan.
Ademas no tin indikashon of prueba ku e sospechoso tabatin mal intenshon di antemano of a konspira ku otronan pa
krea identidat falsu.

I finalmente Hues a husga ku no tin prueba pa determiná ku e akusado a kometé e hechonan.
Den e kaso aki Fiskal a pidi 4 aña di prizon pa e akusado M.N.I. kende tabatin abogado Marshall komo su defensor.
Dia e kaso a tuma lugá den korte un total di 11 hende ku a sinti nan perhudiká a prsenta.
Ademas 5 di nan a hasi denunsia na polis riba kual polis a detené i e tabata será.
Fiskal a pidi pa kondené na 4 aña presu di kual un kondishonal i pa e paga tur e denunsiantenan e plaka ku ela tuma
serka nan.
Abogado Marshall a pidi Hues pa apsolvé su kliente totalmente i na final Hues a kumpli ku su petishon i e supuesto
estafador a sali liber for di sala di Corte.
Opviamente e hendenan ku a sinti ku nan a bira viktima di estafa no a keda masha kontentu pero te ne momentonan
aki nos no a tende ku nan a apela e veredikto.