Page 45 - MIN ARENDS

Asina POR drenta gobierno lo percura pa restitui placa di belasting cu a paga di mas, na tempo. Ta
calcula cu tin mas di 30 miyon di placa cu e pagado di belasting tin derecho pa haya restitucion, riba
cual, no solamente e gobierno aki, pero di diferente signatura, a keda sinta.

E gobierno aki a bay asina leu cu un par di luna pasa a bisa comunidad cu si no paga debenan di
belasting lo no por bay cu vakantie y lo para hende na aeropuerto. Andin Bikker a recorda cu e tempo
ey el a bisa cu ta e ministernan bao di e gabinete aki mester haya prohibicion pa biaha tanten nan no

duna Pueblo su restitucion di belasting bek.

Segun informacion e Gobierno di Mike Eman ta hopi atrasa cu restitucion. Aparentemente lo ta pega
cu restitucion referente aňa di belasting 2012 bin ariba.

Di parti partido POR lo bay traha un sistema manera cu ta traha na Hulanda y na Merca. Un sistema a

base di un “voorlopige aanslag”: asumiendo cu tur e añanan anterior basicamente un persona su
entradanan a keda practicamente mescos, y e ora den 90 dia ta bai haya su restitucion bek. Si resulta

un persona tabatin mas entrada, e ora lo haci un coreccion pero esey probablemente lo sosode den
solamente 1% di tur e casonan.

E parti aki ta un manera facil y pragmatico a base di cual partido POR ta haci un compromiso pa
logra restitucion di placa di belasting bek na tempo pa nos comunidad. Signaturanan di tur dos

gobierno tradicional pa 16 aña largo no a logra duna Pueblo restitucion na tempo y basicamente a
keda sinta riba placa di Pueblo. Cada bes cu Gobierno mester a cobra algo di Pueblo na belasting e
ora ey si diripiente ta bin cu tur sorto di “aanplakbiljetten” y ta menasa cu beslag y bende tur

pertenencia, pero ora di duna placa bek Gonierno ta tarda aňas.